نايم..في حضن امي
..من كتر خوفي
..رميت نفسي
في حضن امي
..الحزن ماليني
و القهر زاد..همي
..محتاج لحضنك
يا امه..يابلدي
..محتاج أوي
لمي الجراح..لمي
..جيتلك و أنا
عطشان..حنان
مالقيتش ليه..حضنك
..و لاقيتني
..زي ابن الحرام
علي الرصيف..مرمي
الجمعة، فبراير ١٦، ٢٠٠٧
..من كتر خوفي
..رميت نفسي
في حضن امي
..الحزن ماليني
و القهر زاد..همي
..محتاج لحضنك
يا امه..يابلدي
..محتاج أوي
لمي الجراح..لمي
..جيتلك و أنا
عطشان..حنان
مالقيتش ليه..حضنك
..و لاقيتني
..زي ابن الحرام
علي الرصيف..مرمي
الاشتراك في:
تعليقات الرسالة (Atom)
هناك ٢٤ تعليقًا:
يااااه
لا حول ولا قوة الا بالله
نفسي يبقى في تجمع للمدونيين عشان مساعدة الناس بجد
ده مترو السيدة زينب
صح ؟
الشعر جميل قوي يا يامن
تعرف تلحنها وتعملها أغنية ؟
نفسي تضيف أغاني ليك علي عودك في المدونة
واللة يا يامن أنا شوفت 3 عيال من أطفال الشوارع نامين فى العراء على البحر فى ميامى و الجو تلج الواحر و اللة الدمعة كانت حتفر من عينة و حسيت نفس الإحساس بتاعك دة بالضبط
ااااااااااااااااه
انت جيت على الجرح
احنا بنجب مصر من طرف واحد
وبس وهى مش حاسة بينا خااااالص
وبتقسى علينا
ومش عارفين نعمل ايه عشان نراضيها بس
يابلدى ياحتة منى
ياامى ياللى نسيتى ولادك حسي بينا
تحياااااااتى
Hi ya yamen,walahe enta etkalemt 3an 7aga gamda awi w malia elbalad,w oslobak begad 7elw awi w a7la 7aga enak ya fanan manzar zay da benshofo kol youm alhamak elshe3r da 3lshan enta begad fanan,bas ana 3awza a2ol en elmoshkela mesh fe elbalad elmoshkela fena e7na,e7na elle 7'alinaha keda,ashofak 3la 7'er ya yamen,salam Radwa Talal
3reft ba2a lih ya fanan ana a2olt 3lik fanan wla lsa me7tag te3rf ???hata radwa alit enha lma shaft al sora we al kalam alit 3lik fe3ln fanan helwa awi ya yamen al sora we kaman al she3r helw moot we tesd2 dana fehtmtoh kaman haga 3'riba mosh kedh! ana 3awzak bas tektb aktr mn kedh 3lashan batbsit awi lma ba2ra kalamak al gamil bas teftkr e7na lih wesl bina al hal fi baldna le kedh al 3ib fina zi ma radwa alit wla al 3ib fiha hia ali zalmtna wla al 3ib fi meen we teftkr lih mosh bentsl7 hoa e7na kona zaman kedh wla ahsn mn kedh tesd2 al modo3 sa3b meen fina ali 3'altan zalmnaha wla zalmtna???sa7i7 3agbtni fekrt awi enk to7ot a3'ani tel7nha 3la al blog dih hatkon helwa awi isa yala ebd2 we batal kasal ya fanan ya kaslan
sa7i7 ya reet fe3ln ne3ml haga nesa3ed biha al nas ya ret te3mloh haga kedh wana awel wa7da hasharik ya reet begd yamen law te3rf haga kedh a2oli
ده وانتى مطلعه عينى بحبك موت
اول ما شفت الصوره وقريت الشعر
افتكرت الاغنيه دى
بس تفتكر الراجل ده بيقول نفس الكلام؟ ولو حتى سمع الاغنيه اعتقد هيرددها بشكل تانى مع بعض ابتكارات الشعب المصرى المطحون
وبحبك خنقتينى بحبك وانتى
poor
عينى
لو انتى مطلعه.....
اى حاجه بقى عينى مسارينى اهو اللى يجى على بالكم
جميل الشعر
منتا جامد اهو فى العاميه مش تقول
الصوره معبره ومحزنه الواحد بيشوفها كل يوم وفى كل حته بس جميل اللى انت عملته منها
وعلى راى كل اللى قبلى
هو مفيش حل؟
لو حد لقاه يقول
تحياتى واللى اللقاء
معلش نسيت اسالك
انت خدت رايه قبل ما تصوره ولا لاء
؟
sharm:
علي فكرة في تجمع للمدونين بالفعل و كان في حفلة اتنظمت برعاية المدونين و كانت في نقابة الصحفيين و الكلام ده من فترة..بس انا عارف انت تقصد ايه..تقصد حاجة تساعد مساعدات مباشرة..فعلا ياريت يكون في حاجة كده..
طب ايه رايك نبداها احنا؟
انستنا ونورتنا يا احمد
الرائع دائما اشرف حمدي:
اكيد انت طبعا لازم تعرفه..لانه ياما اخد مني ومنك راقاااااات..
تصدق انا مافكرتش الحنها خالص..
بس انا مش هاكسرلك كلمة..
و الحقيقة انا شايف ان اعمالي كملحن لسه مش في المستوي المطلوب عشان انزلها علي المدونة..بس مفيش مانع نجرب وربنا يستر من التعليقات اللي هاتيجي
و بحد متشكر لاقتراحك الجميل
ماتغيبش عني
قائد:
فعلا..المشكلة دي بقت اكبر من ان يكون في حد ماشافش المنظر ده اكتر من مرة
المشكلة كمان اكتر من مشكلة البرد انك تتخيل ان في واحد حياتة كده..
يعني لما بيقول انا مروح بيطلع علي الرصيف
شرفتنا يا عزيزي
عاشقة الوطن:
انا معاكي تماما..
هو ده احساسي بالنسبة لمصر بالظبط ..
بس مهما يكون باقول لنفسي مش ممكن اسيبها برضه
خليها هيه تبهدلني احسن ما اتبهدل في حته تانية
المدونة نورت
العزيزة رضوي:
كلامك مظبوط فعلا من وجهة نظر تانية..
هو الوطن ايه غير اللي احنا بنعمله
نورتي ويارب دايما
الصديقة الصدوقة ميمو:
طبعا مش محتاج اقولك ان رايك غاية في الاهمية بالنسبالي..
المهم..مصر هي اللي غلطانة ولا احنا اللي غلطانين..
فعلا سؤال صعب جدا..
بس هيه ايه مصر؟ما هو احنا مصر..يعني لو قلنا ان مصر هي المكان وبس يبقي اكيد المكان معملش فينا حاجة..بس مصر هي مش اكتر من الناس اللي عايشين فيها..و اذا كنا بنلوم عليها فاحنا في نفس الوقت بنلوم علي الحاجات الوحشة اللي احنا شايفينها فينا
نورينا دايما
rr:
اللي كانت مخاصمة مدونتنا و بعدين خلاص رضيت عننا..حمد الله علي السلامة
انا متهيالي ان الراجل بيقول كلام لا تسمح الرقابة بذكره
الكلام اللي انتي كاتباه علي وزن الاغنية فكرني بالاغنية اللي كنا عاملينها في الكلية..فاكراها؟
الواد بالبو بيوجعوا..ااه
و عايز حد يطلعوا..اااه
طبعا انا ما اخدتش رايه..
انا اصلا كنت خايف يقوم ياكلني..
و بالمناسبة انا بعد ما صورته ومشيت لقيت الصورة مش حلوة قمت راجع ومصورة تاني..بجاحة يعني
اشوفك علي خير ونورتي
ده على اساس انى مكنتش بكتبللك فى اللى قبلها؟
الله يسلمك يا ابنى
انا عموما وقدام الكل كنت مخنوقه منك انت شخصيا
بس خلاص عفوت عنك
ادهب فانت من الطلقاء
على فكره بلاش شغل السرقه ده ونسب الحاجه لضمير المتحدثين
نها
مفروض تقول
نيها
لان الاغنيه دى
لو تفتكر انت قلت فيها
الواد ضرسو بيوجعه
عايز حد يخلعو
وانا احم واعود بالله من كلمة انا
اللى قلتها بهدا الابتكار المدهل الرائع ال..
كفايه مبحبش اتكلم عن نفسى كتير
:)
والله فكرتنى بايام الشباب
دنيااااااا
وبالنسبه بقى للراجل
انا هعرف اوصله وهخليه يشتكيك فى جمعية حقوق الانسان
اللى اللقاء يا سارق الاغانى
ازيك يا يامن
فكرتنى بقصيدتك القديمه البكاء على صدر امى بنفس الاحساس لكن الصوره اصعب المشكله اننا بنتفاعل اوى اول منشوف حاجه زى وبنقول عايزن نعمل اى حاجه وبعدين بننسى .المفروض اننا نعمل بجد .احساسك جميل تعبيراتك حنينه اوى لو مصر سمعته اكد حتعمل معنا حاجه .لو عملتوا التجمع قولى ان شاء الله
استمر والى الامام
اختك
h.hashem
مش عارف أقولك ايه والله 00أصل الكلام مايتعلق عليه00يمكن عشان هوا جمييل أوي
ويمكن عشان بيجرح اوي000يااااااه
امتى ونصحا بقى0
مع تحياتي00
والسلام عليكم0
إزيك يا واد يا مختفي ..
عارف ..
جه على بالي حاجة غريبة بعد ما شفت الصورة و قريت الأبيات ، إن الوطن بيتحول جوانا للأمل الوحيد للخلاص ، الأم اللي تحبنا بجد من غير متفرق بينا و بين إخواتنا ، و الحبيبة اللي بتعشق بجنون ، و الأب اللي همه الوحيد هوة ولاده و بس ، مش عارف ، ساعات كتير بفكر في معنى الوطن بشكل مجرد ، مبتكلمش على الهوية و الذكريات و كده ، لأ ، أقصد الوطن ده معناه إيه ، يا ترى إحنا بنحبه بجد زي أي "وطني" محترم، و لا بنحبه كبديل عن فشلنا في علاقات كتيير كنا بنحلم إنها تتحقق .. مش عارف ..
مبسوط إنك رجعت تكتب ..
تحياتي :)
slamo 3likom
i was intending to write alot of words....but i found that ther isno thing more to say after all these beautifull words from ur friends any way ...i only have more lightened pic...am sure that ther will b aday when all the things will b right an the mother will now how much we love her and howmuch she was crule with us.....this is the way of life the sun should rise one day ..i wish it will b soon.......and go on yamen..ur friends have finished all the good words can b said so they leaveme no thing more to say except beltwfeeq isa
ازيك يا يامن.انا قريت كل التعليقات المكتوبه بالنسبه للموضوع فيه ناس بتجيب اللوم علي مصر وناس بتقول ان العيب فينا احنا بس علي فكره العيب الايام دي في الزمن والاخلاق كمان.لو المشهد دا حصل زمان ايام ما كان فيه حاجه اسمها جدعنه ومروه كنت لقيت حد خد بايد الراجل وساعده زي ماالاسلام والاخلاق وصى وقال.لو رجعت لعصر الخلافاء الراشدين كان اكيد افقر من دلوقتي بس كان عندهم دين وايمان وكان ربنا مش بيعاقبهم زينا دلوقتي تاكد ان دا مش ظاهره زي ما الكل بيقول .انك تشوف حد مرمي علي الرصيف مش باين منه ملامح من كتر ما الزمن والايام ما خط في وشه علامات الشقاء وعلمه علشان يخده رهينه حرمان من ابسط حق ليه وانه ينام علي مكان نضيف ويلاقي اربع حيطان تلمه من برد وخوف ورعب الشارع صدقني دا غضب.انك تعدي الاف الناس تعدي عليه فيه الي يعض شفته وفيه الي يقول يا حرام وفيه الي ينفعل وينزل دمعتين لزوم الموقف واول ما يروح ينسي والدنيا تاخده دا برضه غضب.غضب من ربنا وقله ايمان مننا .المشكاه مش قله فلوس,المشكله قله تصريف وسلبيه كل واحد بيقول انا مالي بلا وجع دماغ.صدقني دا الي مخلي البلد بالحال دا .عمر مصر ما كانت فقيره لابفلوسها ولا بمواردها والدليل انها من ايام الفراعنه وهيا بتتسرق ولسه ولادها لغايع دلوقتي لقين ياكلو ولو حتي العيش الحاف. الازمه ازمه اخلاق ودين وايمان وسلبيه مش ازمه ارض ووطن العيب صدقني في الزمن.اختك جيهااااااااااان
sadiki al sadok al fanan al kaslan
tesd2 helw al esm dah we lai2 3lik bas ba3d ya fanan isa lma tekbr eb2a eftkr en kan lik sadikah sadokah hia ali alit 3lik enk fanan tab3an enta betrod 3lia we bet2ol en kalami mohem 3lashan teslh ali 2oltoh abl kedh wla aih ra2iak tab3an enta fahmni!!!
we ba3deen batal tesr2 al a3'ani mn al nas 3ib kedh sa7i7 ya rania hwa enti kaman ma7'no2ah mn yamen hwa mosh sayb 7ad fi 7aloh abdn 3moman ai wa2t 3awza tebl3'i 3n al sora kol ali fi al blog haish7adoh m3aki 7'alina ne7'ls mnoh
gehan ana mabsota eni 3reft enk gehan ali ana a3rfha 3amla aih wa7shtini fakrah ayam al manshia ya rab tekoni be7'ier we fi a7sn 7al sa7i7 kalamik helw we mantiki ashofik 3la 7'ier
yamen ya sadiki al sadok al blog beta3ak helw awi bas 3awzeen nenshat shewia abl mansafer al swais wla aih????
ميمو
ازيك يا بنتى عامله ايه
؟
ايه ده وانتى كمان كنتى مخنوقه منه ؟
كده بقينا كتير يا يامن اقلق ها
شفتى كمان بيسرق الاغانى ازاى عجبك كده يا مروه
وبالنسبه للبلاغ احتمال اروح اقدمه السبت فاضيه ولا لا؟ عموما انا ممكن اعيد تفكير لو فى اى هديه يعنى بصحيح العوباره
رشوه وفيفتى فيفتى يا ميمو
:)
ليكى وحشه يا بنتى
ان شاء الله اشوفك قريب
إزززززيـــــك يااااا يامن ، أتمنى تكون لسـه فاكرني ، الله يجازي طلبة بقى !!!!
هوا احنا مش كنا اتفقنا على حاجة ، ولا إيه ، عمومًا تحياااتي لـــك ....
إنتا شاعر حسااااس قوووي ، الصورة و القصيدة تحتيها تحفة !
بس ، خلااص !
rr:
ياستي انا باهزر.. وبعدين احمدي ربنا اني افتكرت اي واحدة فيهم اصلا..و بعدين ولا تزعلي الاغنية اللي الفتييهاااا..
من غير تشريفك ليه ماكانش هايبقي في مدونة من اصله
اشوفك علي خير
اختي العزيزة هايدي:
و الله كتر خيرك انك لسه فاكره القصيدة اليتيمة دي..
بس حلوة حكاية ان مصر لو سمعت الكلام ده هاتعمل معانا حاجة..
طب ماهي مصر بقالها ميت سنة بتسمع كلام احلي من ده بكتييييير من ناس تانية ومفيش حاجة بتحصل..
هي ايه مصر اصلا...الحقيقة ان احنا مصر ...
يعني احنا اللي لازم نعمل حاجة
لو فيه تجمع او حاجة طبعا هاقولك
اشوفك علي خير
الجيفاراوي د-احمد المصري
والله دا انت اللي جميل
نورتنا يا عزيزي
الحبيب حامد:
لا..انت بالذات عارف..صح؟
the guest:
و الله حاجة حلوة جدا ان يكون في حد عنده كل الكم الهائل ده من التفاؤل مع اني متاكد انه شايف الحقيقة كويس جدا..يعني مش تفاؤل عشان هو مش عارف..
لا..تفاؤل عشان هو عارف اللي الناس مش عارفاه
يسعدني تشريفك دائما
الاخت العزيزة جيهان:
و الله ماقدرش اقول حاجة غير عندك حق في كل اللي انتي قلتيه..
فيما عدا موضوع ان العيب في الزمن لاني اؤمن ان احنا الزمن واحنا المكان واحنا الوطن..
احنا الصح والغلط..
احنا كل شئ
اشوفك بالف خير
الصديقة الصدوقة جدا دكتور ميمو:
(طالما الصديقة الصدوقة بس مش عاجبة)
هو انتي هاتتفقي انتي وار ار عليا ولا ايه..
بقه بعد العشرة دي كلها معاكو انتو الاتنين تعملو رباطية عليا؟
ماشي..
اشوفك علي خير
ابراهيم..معايا
يا عزيزي الفنان صاحب فلسفة معايا..
هاتزعل مني لو قلتلك اني مش فاكرك..
بس برغم ده انا من اشد المعجبين بفلسفة معايا.. وعلي فكرة انا كمان معايا!!!
بجد من كلامك علي مدونتك وتعليقاتك في المدونات نفسي اتعرف عليك تاني.
معلش سامحني علي الزهايمر
ولو كنا اتفقنا علي حاجة يا عزيزي..فانا معاك
قصدي انا معايا...
اشوفك قريبا علي خير ان شاء الله
مااااااااااشي يا يا يا يا يامن
أنا بقى مع أبو العلا
وخليه ينفعـك
والله لأقول لطلبة لما أشوووفه
اشمعنى فاروق فاكرني ؟؟؟؟
يا شاااااعر يا نساااااااااااي
هايل هايل الشعر و بيعبر عن الصورة حلو أوى زز واضح إنك فنان جميل .. مدونتك جميلة
الله ...هى فعلا جميلة جدا
لكن "الحزن مالينى "تكسر الوزن انما القصيدة جميلة جدا
إرسال تعليق