السبت، مارس ٠٣، ٢٠٠٧

مكة..لا تطهر احدا




مكة..

يا للمكان المقدس..
يكفي ان تسمع اسمها حتي تشعر بتلك الرجفة الخفيفة تسري في جسدك..


و ترتسم تلك البسمة البيضاء الصافية علي وجهك..
احيانا اظن ان ذلك هو الشعور الذي ينتاب كل الناس-حتي غير المسلمين منهم- لدي سماعهم لتلك الكلمة..

مكة..
يا لقدسيتها..
تلك التي تذهب اليها محملا بالخطايا والذنوب..وتعود منها كما ولدتك امك..

لكنه لشئ مضحك حقا..ان تقتل عند المسجد الاقصي..
و تذهب كي تطلب البركة والغفران من مكة..

هم قد فعلوا ذلك..

تصور ان فلسطينيا رفع سلاحه في وجه فلسطيني اخر..
كلاهما له زوجة واولاد..و الجميع يتشابهون..
في الملامح واللهجة والمشاكل اليومية.


.و كلاهما يعيش نفس الازمة..وتحت نفس الاحتلال..
تصور انه واتته الجرأة..و ضغط علي الزناد..و انه شاهد دم اخيه الفلسطيني يسيل بيده امام عينيه..
تصور ايضا..انه لم يلتفت ابدا الي تلك ا لزوجة التي تشبه زوجته..و لا الي هؤلاء الاطفال الذين يشبهون اطفاله..
تصورايضا انه وجد الشجاعة ليتخيل انه بذلك ربما يدخل الجنة..او ربما يبني مجدا للوطن..او اي شئ اخر..
تصور كل هذا..

هذا كله..يعلق عليه في شريط الاخبار الضيق باختزال تحت عنوان:"الاقتتال الداخلي بين فتح وحماس يستمر"

ياللبلاغة..

و الان انتهي الاقتتال الداخلي..او هكذا ادعي الطرفان..

باتفاق بدا وكانه "صلح الحديبية"بين المؤمنين والمشركين..
و لكي تكتمل له النكهة السحرية والبركة المطلقة..
جعلوه في"مكة"..و تحت رعاية خادم الحرمين نفسه..




لكنه حتي "صلح الحديبية" كان عقدا واضح الشروط..بين طرفين يعرف كل منهما حقوقه وواجباته
..

لكن "صلح مكة"هذا – ان صحت التسمية – ليس صلحا علي الاطلاق..

لانه لا يحمل اي اتفاق واضح حول موقف الحكومة من اسرائيل من المعاهدات السابقة معها..
و"حكومة الوحدة" – تلك التي لا تحمل من الوحدة سوي الاسم – نصف اعضائها يعترفون باسرائيل و بالمعاهدات السابقة ويقبلون بالتفاوض.. والنصف الاخر يعتبر ذلك خيانة للوطن والدين..

ياللوحدة..

تخيل وزيرا للخارجية يجلس مع نظيره الاسرائيلي ويتفقا علي نزع سلاح المدنيين للتقليل من حدة التوتر الامني..
ووزير الداخلية يمتنع لانه يعتبر حمل السلاح في وجه الاحتلال شرفا للمواطن..
او تصور طالبا يقول له وزير التعليم ان فلسطين حق الفلسطينيين وان علي الاحتلال ان يرحل..
ورئيس الدولة يقول في الصحف "اننا نقبل بحل الدولتين و مرحبا بالاسرائييلين جيرانا لنا"

لكنه ثمة رابحون وخاسرون دائما..
فالرابحون هنا هم الاسرائيليون..حكومة و شعبا..

فالحكومة الاسرائيلية و بعد ان اوقعتها التجربة الديمقراطية في مازق لدي صعود حماس الي السلطة وتشكيلها لحكومة لا تقبل التفاوض ولا تعترف باسرائيل اصلا..- وتلك كانت ازمة لحماس ايضا-
صارت لديها الان وباتفاق عليه خاتم خادم الحرمين الشريفين حكومة نصفها يعترف باسرائيل ويقبل بالتفاوض ويقبل بالمعاهدات السابقة ويقبل باي شئ تعطيه له اسرائيل..
و نصفها الاخر ..اما ان يقبل بما تعطيه له اسرائيل او يرحل عن الحكومة نهائيا.. وبلا رجعة..
وهما خيارين كلاهما مر بالنسبة لحماس..
و ذلك يضح محمود عباس وفتح من ورائه في قائمة الرابحين..
فمحمود عباس بعد الانتخابات الاخيرة..بدا وكانه فأرا "فتحاويا" في مصيدة من "الحماسيين"..
لكن يبدو ان الفأر نجا من المصيدة لان القط لم يكن بالذكاء الكافي..

لكن مصيدة اخري تنتظره علي حال..
ربما ليس في القريب العاجل..لكن اللعبه بالنسبة له كادت ان تنتهي..

وقائمة الخاسرين يحتلها الشعب الفلسطيني وحركة حماس..

فالشعب الفلسطيني خسر- او كاد ان يخسر- قضيته..
تلك التي كانت دوما هي انهاء الاحتلال فورا..
فصارت مشكلته الان هي ان يكف حماس وفتح عن قتل بعضهما البعض..و ان يبدا في وضع تصور لتشكيل حكومة الوحدة..تلك التي ستجتمع لتعد ملفاتها التي سوف تطرح للنقاش لاحقا لتحديد الخيار الامثل من اجل مصلحة الفلسطينيين..
هل هناك من كان يتحدث عن النضال وانهاء الاحتلال؟

و حماس الان قد خسرت كل شئ..

فحماس..تلك التي انتخبها الشعب الفلسطيني لانها كانت رمز النضال.. ولانها اعلنت صراحة انها لا تعترف باسرائيل ولا تقبل بالتفاوض معها..تخلت عن كل هذا من اجل "لا شئ"..

فبدءا من قبوله الدخول في انتخابات فاقدة للشرعية..تتم تحت الاحتلال..
تلك الانتخابات التي وضعتها – طبقا لبرامجها وتصريحاتها- وجها لوجه امام خيار الحرب.. والذي اكتشفت متاخرا انها لا تقدر علي دفع ثمنه.. وذلك بعد ان تخلت حتي عن خيار المقاومة..
و مرورا باستجابتها لاستفزازات محمود عباس والتي لا تخلو من اصابع اسرائيلية..
وانتهاء بتمسكها بكل هذا " اللاشئ" من اجل الحفاظ علي وجود في الحكومة..
الا يتعلمون ابدا..
و الان خسرت حماس مصداقيتها وتعبيرها الصادق عن الشعب الفلسطيني الذي اختار النضال وتخلت عنه حماس..

بعد ان اوقعت نفسها والشعب الفلسطيني و قضيته في ورطة حقيقية..

و "صلح مكة".. ذلك الذي اراد الجميع به ان يغسلوا عن ايديهم دماء الفلسطينيين التي اراقوها فيما بينهم..
سوف ينهار قريبا..

و ستشهد الايام القادمة صراعا حكوميا ليس له مثيل..
وستجد حماس نفسها امام خيارين لا ثالث لهما..
اما ان تمضي في طريق اللاعودة الي النهاية.. وان تكمل اللعبة التي بدأتها..
او ان تعود للمربع رقم " واحد" و ذلك بالانسحاب من الحكومة والعودة الي الشارع..
لكن هذه المرة سيحتاج الشعب الفلسطيني لوقت اطول كي يصدق "حماس" او "فتح" مرة اخري..
فالجميع قد خسر في هذه اللعبة..





><

هناك ١٤ تعليقًا:

غير معرف يقول...

بما اني اول واحده هعلق علي الموضوع فانا هكتب براحتي دون رقابه وربنا يستر.ومنغير ما تزعل من الكلام الي هقوله.المشكله مش في عدم اتفاق فتح او حماس او حتي لعبه تلعبها اسرائيل علشان تستخدم نظام فرق تسد.المشكله اكبر من كدا من الاول الانتخابات الفلسطينيه.لما حماس نزلت الشارع وحبيت تعارض فقط فتح.الموضوع بدا بمعارضه مش طموح سلطه او حتي الرغبه في دخولها.ولما العجله دارت واتفاجئ العالم كله بفوز حماس بما فيها حماس نفسها.لانها بصريح العباره مكنتش حطه الفوز ضمن بنودها.ولقيت نفسها في موقف لا تحسد عليه.التعارض الصارخ بين مبادئها والواقع المفروض عليها والي بيحتم التعامل مع اسرائيل ضمن جميع الاعراف والمواثيق الدوليه .وهنا بدأت الازمه.اما فتح فاستغلت الظروف علشان تسوق فكره عدم مقدر حماس علي القياده.ومن هنا بدات سياسه قطم الاصابع.ومن يستغيث اولا.ودا كان مجال خصب لتدخل الفريق الاسرائيل بتوجيه امريكي لرسم خطوط اللعب من جديد علي ارض ودم الشعب الفلسطيني.وكان ما كان من الاقتتال وعمليه استعراض القوي بين الطرفين.وانتهي سوريا في مكه زي ما انت شرحت.بس الي حصل دا بدايع تانيه لمسلسل من بطوله الطرفين واخراج امريكي والاهداف هتبان قريب.الي عايزه اقوله ومتزعلش مني ان الي بيحصل دا يفكرني بالي حصل مع الاخوان المسلمين في الانتخابات برضه نفس السيناريو.الدخول من اجل المعارضه فقط والمفاجاءة بالنتيجه الي حتي الحكومه المصريه معرفتش تحط حد ليها واديك شوفت الي حصل بعد ما طلعت الاخوان درجه اعتقلوهم ونزلوهم في سابع ارض بحمله اعتقالات ومحاكمات علشان يبعدوهم ودا الي هيحصل مع حماس في الايام الي جايا عمليه دفن عالميه برعايه امريكيه اسرائيليه بصمت عربي مهيب ملحق بكلمه الله يرحو ايامهم كانوا طيبين والله. اختك جيهان

DR MIMO يقول...

sadiki al sadok yamen
ana ha2olak ra2i fi al ketaba nafsaha mosh fi al modo3 3lashan enta 3aref ana malish awi fi al hagat dih ,3awza a2olak enk betktb helw awi kalamak helw we beditak lel modo3 daymn betkon gamda moot we dah bayn fi kol mawdo3atak betshed ali by2rah bas nefsi ba2a na7'od 7'atwah begd shewia we nebd2 mashrou3na ba2a (al beauty center tab3an) .
ama ba2a 3n fat7 we hamas we al hagat dih tab3an mosh ha2olak 3'ier haga wa7da alitha laila morad abl kedh
kalam gamil kalam ma32ol ma2drsh a2ol haga 3noh lakn kalamak al maktob mosh fahma lih haga mnoh.
sorry kan nefsi afidak we a2ol ra2i bas ana mosh bafhm fi al hagat dih fa balash afti
bas shaifa enk betetklm sa7 we kaman gihan kalmha helw awi we ra2iaha kewyse aktr mn kedh mosh ha2dar afti
yala kefaya 3lik kedh al nahrda dawashtak be kalam malosh faida bas hwa dah ali ana ba3rf aktboh
bas 7'alas

R.R يقول...

انا كل يوم اسمع فلان عدبوه
اسرح فى بغداد والجزيره واتوه
معجبش من اللى يطيق بجسمه العداب
واعجب من اللى يطيق يعدب اخوه
وعجبى
وطبعا مش محتاج اقول مين الشاعر
المهم
طبعا متفقه معاك
الموضوع مش بين حماس وفتح الموضوع بقى معمم علينا كلنا كوطن عربى يعنى سواء بمشاكل داخليه زى بتاعت حماس وفتح و زى ما قالت جيهان بين حكومه واحزاب
او بين اعضاء الحزب نفسه حتى مشاكلنا الخارجيه الدول مع بعضها يعنى
الدنيا كلها بقت ملخبطه وعدم المصداقيه بقى الله ينور
الواحد بقى عنده عدم مصداقيه لنفسه اساسا..
انت طرحت الموضوع بشكل جميل ولخصت فيه الحكايه
ايه رايك لو خدناه بطريقه تانيه
يعنى طريقة اننا ناخد خطوه ولو حتى على اساس التفكير مش التطبيق
انا دلوقتى بفكر معاكم بصوت عالى
فى عدم مصداقيه ؟ اه
فى اغراض تانيه مش كلها يعنى خالصه لله وللوطن؟ اه
فى دول واطراف ومصالح وعنصريه وتار بايت؟اه
طيب وبعدين نسبها بقى للايام ولا اما يجى حد نيته سليمه ده على اساس اننا هنعرف سلامة نيته يعنى
مش عارفه
اللى انا بقى عارفه كويس اوى
ان ده ابتلاء من الله علينا كناس عارفين الحق وساكتين او بنتكلم من غير
اى تنفيد والله ابتلاء ولسه

ان الله لايغير ما بقوم حتى يغيروا ما بانفسهم

ماعلينا
ارجع بقى للكاتب
ازيك يا يامن عامل ايه ياراجل يا... مختفى؟
جميل الموضوع وعجبنى جدا العنوان
والمقدمه

بقللك ايه عندى اقتراح
متيجى نكمل الصالون على المدونات؟
بس انت اللى تكت المواضيع الشائكه واحنا هنعلقلك تعليقات توديك فى داهيه
بس ياريت مش مع اول لطشة قلم تفتن علينا
احنا برضو اصحابك
يالا يا صديقى العزيز
تحياتى واللى اللقاء ان شاء الله

غير معرف يقول...

اخى وصديقى العزيز يامن:
رايك حلو اوى
في مثل مصرى بيقول اناواخوياعلى ابن عمي وانا وابن عمى على الغريب .لكن يوم ماحتفضل المشاكل كبيره وكثيره بينى وبين اخويا او ابن عمى مش حانكون فاضين للغريب وده اكيدحيكون فى مصلحته وهى دى خطة اسرائيل فكلما زادت خلافات فتح وحماس انتصر الاحتلال .وبعدين القياده لها شروط وحاجات تحكمها مش اى حد عنده مبادئ بس ممكن يكون قائد وليس شرط الذى يقود الشعب يستطيع ان يتعامل مع الامور الخارجيه وخاصه فى فلسطين الامر مختلف عن اى دوله فلازم الاتحاد بين الطرفين ويدركوا خطورة الموقف بجد بعيدا عن جميع الاحقادوالمصالح الشخصيه
لان الهدف واحد ومعروف.ورأى جيهان صح وكلامها جميل(عايزه اقولها عامله ايه وحشتينى اوى ونفسى اشوفك)
نرجع لموضوعنا فى حاجه عايزه اقولها بالنسبه لمكه دى حاجة كويسه ان يكون هناك مرجع للمسلمين حتى وان كان معنوى فقط احسن من ان كل حد يتصرف لوحده وان تدخل السعوديه لمحاوله الحل مبادرة جيده المفروض نعمل زيهاده رأيى.وربنا يجمعناكلنافى مكه ونعمل عمرة ان شاء الله.معلش طولت عليكو ربنا يوفقك يايامن و تكمل كتاباتلان مواضيعك كويسهاوى وافكارك حلوه وزى مابتقول مروه بتبدأالموضوع بدايه مشوقة (على فكره انا للمره المليون بقولك عايزه جروب اسنانا الحلوه )


heidi

إنسان || Human يقول...

منتهى العبث ..منتهى الإزدواجيه..هكذا هم العرب دائما ..اسلحتنا نوجهها نحو صدورنا .........عصافير كلها بنتشغل بيها عن الأساسي ..عارف \ خدعة العصفورة ...كان همنا الوحيد الإنسحاب الى حدود مابعد67 ..أما الأن انسحاب حماس من غزه ..

إبـراهيم ... يقول...

مااااااااااشي يا يا يا يا يامن


أنا بقى مع أبو العلا


وخليه ينفعـك


والله لأقول لطلبة لما أشوووفه


اشمعنى فاروق فاكرني ؟؟؟؟


يا شاااااعر يا نساااااااااااي

kaed يقول...

المشكلة بتاعت فلسطين و الصراع اللى حصل على السلطة دة أثبت أن ممارسة السياسة من خلال السلطة شيئ و من خارجها شيئ أخر كان ممكن لحماس إنها تتفادى هذة الأذمة بإبداء نوع من المرونة و ليس معنى ذلك أن اللوم كلة يقع على حماس بل يقع على فتح و أطراف عربية كثيرة أخرى

gohayna يقول...

انا عايزه اسلم علي هايدي واقولها والله وانتي كمان وحشاني ونفسي اشوفك
وبعدين سيبك من مدونه يا من شويه وادخلي شرفيني في مدونتي اسمها دوي الصمت
معلش يا يامن دي عمليه سطو بريئه علي احد قرائك متزعلش ياعني
تسلمي علي سؤالك يا هيدي ومستنيه تشريفك ليا
جيهااااااان

yamen يقول...

جيهان:

و الله يا جيهان انا معاكي في كل اللي انتي قلتيه..
بس انا مش عارف ايه اللي ممكن يزعلني في كلامك..

بس الحقيقة رايك موزون وعجبني جدا
و دايما مشرفاني بتعليقاتك

اشوفك علي خير

dr.mimo

اولا متشكر علي رايك في كتابتي..

بس مين اللي قال انك مش بتفهمي..
يمكن يكون في حاجات انتي مش متابعاها زي حاجات تانية فماتعرفيش عنها كتير بس ده مش معناه انك مش بتفهمي..

انستينا ونورتينا

rr:

مفيش كلام اقوله بعد كلامك طبعا يارانيا.

انما انا متشكر علي التدبيسة في موضوع الصالون..

اشوفك علي خير ان شاء الله

هايدي:

شرفتي ونورتي..

طب ايه رايك لما يكون انا واخويا وابن عمي احنا التلاتة مع الغريب علي بعض..

هو ده اللي حاصل تقريبا..

اشوفك علي خير
وبعدين جيهان عندها مدونة ماتروحيلها فيها ولا هو استغلال يعني
باهزر طبعا
انتو الاتنين منورين

human:

عندك حق يا عزيزي.. ولسه..

شايف العصفورة؟

نورتنا يا انسان

ابراهيم معايا:

انت زعلت..

طب انا اسف بجد..
بس انا قلتلك اني معجب بفلسفة معايا
وبعدين اعتبر دي فرصه اعرفك فيها تاني بس عن طريق افكارك الاول..
انا اسف مرة تانية يا عزيزي
و سماح النوبة
ولا انت مش معايا..

شرفت ونورت يا عزيزي

قائد:

انا معاك نسبيا..

بس تفتكر ايه هو نوع المرونة اللي انت منتظره من حماس..؟

شرفنا دائما يا دكتور

جيهان مرة اخري:

مش ممكن لصوص القراء اللي انتشروا في كل حتة علي انت دول..
يعني اجيب مخبر يقف علي باب المدونة عشان ماحدش ياخد منها اي حاجة؟؟

طبعا باهزر يا جيهان
انتو الاتنين منورين والله
و انتي بجد كاتبه رائعة اتمني اشوفك في تطور دائم ان شاء الله..

اشوفكم علي خير

raspoutine يقول...

دى اول زيارة ليا فى مدونتك وانا بصراحة دخلت بالصدفه
بس قريت اخر بوست وبجد احب ان اعبرلك عن اعجابى بالموضوع بتاعك وبالاخص العنوان
وانت عارف ان العنوان نص الموضوع
فعلا لا مكة ولا القدس بيتطهرو احد


تحياتى


يامن فاروق

أشرف حمدي يقول...

خش شوف اللي بيهددوني باتخاذ اجراء قانوني ضدي عشان بتكلم عن مستشفى سرطان الأطفال
http://caricatooz.blogspot.com/2007/03/57357.html
آه يا زمن

falastinia يقول...

things are beyond your & my imagination my dear friend.. its not as simple as we see it..
as a palestinian, i have to thank you for sure a great post!

yamen يقول...

فلسطينية:

اتفق معك..

و لا شكر علي واجب

شرفت ونورت

غير معرف يقول...

اسلوب الكتابة رائع جدا السرد والتسلسل شئ جميل حقيقى
واتفق مع الاخت جيهان كمان