الأحد، مارس 25، 2007

أيام..و بتعدي

عمري ينساب
كشربة ماء..في كف يدي
يومي كغدي
......
كنت احمل في صدري بعض الهموم.. فقررت ان اذهب الي منزل جدتي التي اقيم معها
سيرا..فلربما يزيح عني السير بعضا مما احمل..
وفي طريقي أخذت هذه الافكار تدور في رأسي
..
و تذكرت ذلك فجأة
..
عمري يمضي..

و كأنني لم أكن أعرف..
لكن ذلك أدهشني حقا..
اسير رغما عني الي الامام دون ان اتحرك..
امضي الي مشنقتي شئت ام ابيت..
لا شئ يتوقف..
عقارب الساعة تلك المستبدة..لو أنها تقف قليلا..
كثيرا ما كنت انظر اليها واتحسر..
بعد قليل لن يكون شيئا من هذا هنا..
لا انا ولا حياتي و لا اهلي ولا اصدقائي ولا اي شئ..
أناس اخرون سيأتون مكاني ويفكرون فيما افكر
.......
عمري ينساب..ه
كشربة ماء..في كف يدي
يومي كغدي..
.......
ماذا يعني العمر حقا..؟
ماذا يعني الزمن..؟
لا شئ علي ما أعتقد..فقط هي اللحظة..
تلك اللحظة التي اعيشها..هنا والان..
هذا هو كل شئ..
ولا حدود بين لحظة واخري..
العمر كله لحظة واحدة..
وجودك يعني انك تدرك بعض الاشياء وموتك يعني انك لم تعد تدركها ..او تدرك غيرها
هذا هو كل شئ..
.......
عمري ينساب..
كشربة ماء..في كف يدي
يومي كغدي..
.......
محاولا ان اكمل هذين البيتين..
مر بجانبي ذلك الاتوبيس الذي ينوء بما يحمل مثلي..
و توقف..
ونزل منه رجل مسن..يحمل في يده اليمني حقيبة ثقيلة..
وفي اليسري عصا لا يحملها..بل هي التي تحمله هو والحقيبة..
و انحناء ظهره يشي بعمره..
كأن الزمان قد اتكأ علي هذا الرجل كما يتكئ هو علي العصا..فانثني
ألقاه الأتوبيس..ومضي يكمل طريقه الاجباري
- هات عنك يا عم الحج
-كتر خيرك يا بني
و ناولني الحقيبة.. ووجدته في بساطة يتأبط ذراعي كانني ابنه
..
-انت رايح فين يا حاج؟
-رايح اركب المترو..في طريقك؟؟
-اه..في طريقي
و كانت محطة المترو في طريقي بالفعل
واخذت اتحدث معه واعرف من اين جاء والي اين يذهب..
و عرفت انه كان يزور ابنه في"مدينة بدر"و هي لمن لا يعرفها مكان بعيد جدا عن المكان الذي التقينا فيه وهي ابعد عن المكان الذي سيذهب اليه بالمترو..
فقلت له:
- الله يكون في عونك علي المشوار ده ياعم الحج
فوجدته يقول:
- أيام وبتعدي يابني..أيام وبتعدي
يالهذا الرجل..
هل كان يعرف فيم افكر قبل ان القاه
كان يقولها بصدق شديد..و كأنها تخرج من أعماقه
و لكن سؤالا اشد كان يمزقني..
ماذا علي ان افعل في هذه الأيام..لماذا اعطيتها؟
..
ذكرت له تقلب الجو ونحن في نهاية الشتاء ..ه
فقال لي:
- ايوه يابني..خلاص
فقلت له دون ان التفت الي كلماتي:
- الشتا بيودع..مش كده؟
فقال لي:
- زي البني ادم بالظبط
لم اجد ما اقوله..
-عندك حق يا عم الحج..عندك حق
كنا قد وصلنا حينها الي محطة المترو..
ادخلته ومضيت
و في رأسي تتردد كلمات الرجل
"أيام وبتعدي يابني..أيام وبتعدي "

هناك 50 تعليقًا:

غير معرف يقول...

للمره التانيه علي التوالي هكون اول واحده اعلق
لالالالالالالالالالا انا عايزه هديه او عزومه في الشيراتون واوع تقولي ادخل الجيش احسن زي ما بتعمل كل مره
فعلا اهه عمر وبيعدي وبأدينا اما يعدي صح او يعدي وكانه لم يكن اي شيئ
معظمنا عمره بيضيع من غير ما يسيب بصمه علي طريق الحياه وكأنه سراب
وقليل اوي من ترك بصمه تجذب الانتباه .ملايين الناس بتموت من غير ما تعمل حاجه او حد يعرف عنها حاجه
وعلي النقيض فيه ناس ماتت من زمان جدا لكن لسه عايشه وسطينا بكل جميل قدمته باخلاق حلوه تحلت بيها باعمال بهرت الدنيا كلها
مش عارفه ليه لما بتكلم كدا افتكرت الله يرحمه الرئيس جمال عبد الناصر مع اني مكنتش مولوده ساعتها او عاصرته لكن كبرت لقيت ماما وبابا واهلي دايما بيتكلموا عن رمز للعزه والكلرامه والرجوله حتي لما كنت في الخليج نص الشعب هناك مسمي اولاده ناصر نسبه لعبد الناصر
الي عايزه اقوله انه فيه وجه اخر للزمن والعمر مش تسيبه يعدي وخلاص كدا كدا هيعدي برغبتك او غصب عنك فاحسن حل انك تلجمه وتطوعه وتعمل بيه حاجه تفيدك وتفيد كتير غيرك وهيا دي البصمه الي بتكلم عليها
يارب يوفقك ويوفقنا معاك ونقدر نعمل حاجه نكون بيها علامه لكل الزمن زي الي سبقونا
اختك الي بتدخل وتعلق اول واحده بقالها مرتين جيهاااان

غير معرف يقول...

Hi ya yamen ezayak,sorry eni makatebtelaksh ta3le2 3la elmawdo3 elle fat da taba3an la2eno kalam kebeer awi wana maba7ebesh elseiasa wenta 3aref,elmawdo3 elmaradi ba2a gamed awi wana etkalemt ma3ak feh abl keda hwa e7na 3aisheen leh faker elso2al da??akeed 3lshan ne3mel 7aga mofeda mesh 3lshan teb2a mogarad ayam w bet3adi bas elmoshkela en elwa7ed mesh 3aref yebda2 meneen,bas enta kateb 7elw awi begad,ya reet tekteb aktar ya yamen enta bet3'eeb bas betekteb 7agat 7elwa awi fel a7'er w ya reet teb3ed 3an elseiasa balash 3lshani bas 3lshan mayet2ebedsh 3aleek :),yalla c u salaaam Radwa Talal

reri يقول...

هاااااي يا يامن... كثيرا ما ينتابني شعور غامض بالخوف...الخوف ليس علي العمر الذي سيمر رغما عني ولكن الخوف من العمر ... بخاف منه جدا ...و بسأل نفسي يا تري بكره فيه إيه ...بتمني زيك أوقف عقارب الساعه في لحظات معينه ... وبيكون نفسي أجريها في ساعات معينه..حلم بحلمه..بقعد أتأمل كتير ياتري بعد 100 سنه بيتنا هيكون إيه ..الأماكن اللي بعدي عليها هتكون إزاي.. نفسي حد يفتح لي صندوق الدنيا وأشوف المستقبل...معلش طولت عليك
بس كلامك أثار شجون كتير جوايا
سلامي ليك

R.R يقول...

عمره ينساب
كشربة ماء..فى كف يده
يومه كغده

للغد شمس مسحورة
يخرجها الحاوى
من جعبته

تشرق وضاءةلمن
يبغيها..وتشحب
لمن يفلتها من يده

.....
يومه كغده...وغدى
يوم اخر
لا تزينه الزهور...بل
هو طريق طويل
وعر

أشق كل ضخرة فيه
تعيقنى..أعلوها
تيـاس من
تنتحر
....
عمره ينساب
كشربة ماء..من كف يده
يومه كغده

وعمرى يزدان
كل لحظة..حتى غدى
فقلبى ملكى
ملك يدى

أغرّت به المكاره
فصاغها
حبا...وداوى
علّته ...علّتى
...
البيت بتاعك اوحالى بالكلمتين الى فوق

بقى يا يامن تروح تشيل للراجل الشنطه واحنا بقالنا كذا سنه طالعين نزلين قدامك بشنطةالعده
الى
كسرت ايديناو عمرك حتى
ما ساعدتنا
:(
ماشى ماشى

فعلا احيانا الواحد
بيتسال هوايه وايه لزمته فى الدنيا وايه شكل المستقبل

تعرف انا دلوقتى عندى اقتناع ان كل واحد جيه الدنيا دى عشان سبب معين ممكن احنا حسيين اننا مجرد نسخه من ناس كتير قبلنا وناس كتير بعدنا
استنى هخلى الكلام عليك انت مثلا
انت مش شايف انك عملت حاجه
بس من حدود معرفتى بيك
انا شايفه انك عملت
يعنى انت من الناس اللى شدتنى لطريق انا كان نفسى امشى فيه من زمان
وممكن تكون عملت كده مع ناس تانين
انا ممكن اكون شدت ناس لطريق برضو كان نفسهم يمشو فيه من زمان
يمكن مش هنكمل الطريق معاهم
بس كل واحد هيسلم الرايه لغيره لحد ما غيره يعمل حاجه تفيد ناس كتير
ومحدش عارف يمكن انت اة انا
الشخص ده

بالنسبه بقى ليومك الى زى غدك
لا اعتقد انه صح لانك كل يوم بتتعلم حاجه جديده ممكن تفيد بيها غيرك وان مكنش تبقى على الاقل هتفيد بيها نفسك
وده برضو كويس

الانتقال الى العالم الاخر ده بقى طبعا هيحصل لا محال بس متركزش فيه اوى
لان الى بتعمله فى عالمك الان هو اللى هيحدد الى هيحصلك هناك
استغل كل لحظه فى حياتك
افرح واستمتع بيها وسيبك من الحزن

يا شيخ وحيات الشاى باللبن اللى بينا
وحيات الباتيه ابو جبنه اللى كنا بنخطفه منك
شوية تفاؤل
بقى

نفسى اقرالك حاجه متفائله
متقلبش علينا المواجع
:)
تحياتى يامن

R.R يقول...

يامن احتمال اخد البيتين بتوعك على الجداد بتوعى واحطهم فى بوست جديد
لو ى اى مانع قولى
ها
هحطهم برضو
بلطجه بقى تقول ايه
ومتقلقش هنزللك شكر خاص

سلام يا كابتن

عين ضيقة يقول...

تصدق اننا تقريبا بنمر كلنا بنفس الحالة دى الايام دى


عموما ربنا معاك ومعانا

سعيدة بمرورك عندى وسعيدة بمعرفة مدونتك


تحياتى

Ferekico .. La Talomni يقول...

و كأني أقرأ مقالا مبسطا لأحد الوجوديين - خصوصا و قد استخدمت: هنا و الآن

و كأني - أيضا - أعيد قراءة ما قاله صلاح عبد الصبور بصياغة أخرى: لكن هدير الزمن الدوّار .. يبتلع الزامر و المزمار

لا أملك شيئا أعزيك به عن موتك .. ربما - فقط - أستطيع البكاء أو أن أغمغم: مجلسه كان هنا .. و قد عبر .. فيمن عبر .. يرحمه الله --- هذا - طبعا - إن لم نكن نحن السابقين

رزقك الله حياة خصبة

ساعه الغروب يقول...

اولا دى اول زياره ليا هنا

بجد جزبنى جدا اسلوبك

رائع جدا

ثانيا
البوست حكايه بجد

السؤال ده بيدور فى عقلى كتير اوى

وبعدين؟
او ولفين؟
وهفضل كده منساقه؟
وليه مش اقدر اوقف عقارب الساعه والزمن وبس اخد نفسى عشان بس اقدر اكمل


البوست صدمنى بجد مش عندى كلمات اقولها غير انه روعه
انى بندم انى مش جيت هنا من زمان

sendrlla يقول...

عمري ينساب
كشربة ماء..في كف يدي
يومي كغدي

مقدرش اقول غير كده على نفسى

yamen يقول...

الاخت العزيزة و الكاتبة الرائعة جيهان:

يا ستي ده شرف ليا ولمدونتي انك تبقي اول واحدة تعلقي..
و تحت امرك في العزومة اللي انت عايزاها بس مش لازم الشيراتون اوي يعني..

ندخل في الموضوع.. تفتكري بقه ان الناس اللي انتي بتقولي انهم سابوا بصمة ولسه عايشين وسطينا بسببها..تفتكري انهم حاسين انهم عملوا حاجة؟
اقصد يعني ده حققلهم السعادة ولا عاشوا وماتوا وكانوا لسه برضه بيدوروا؟
ده مجرد سؤال

اشوفك علي خير ان شاء الله

الصديقة العزيزة رضوي:

ياستي شرفينا في الوقت اللي يعجبك..المهم تبقي تيجي من وقت للتاني
و احنا فعلا اتكلمنا في الحكاية دي قبل كده
وزي مانتي قلتي الواحد مش عارف يبدا منين..بس المشكلة قبل ما الواحد يفكر يبدا منين المفروض يفكر يبدأ ايه اصلا.. مش كده؟
شكرا علي رايك في كتابتي
انستي وشرفتي

ريري:

شرفتينا باول زيارة ليكي هنا ويارب ماتكونش اخر زيارة

العمر فعلا مجهول كبييييييييييييييير الواحد علي طول خايف منه
لان الانسان بطبعه بيخاف من اي حاجة مايعرفهاش مش عشان خايف من اللي هايحصل فيها بس عشان خايف يواجه جهله..
انتي ماطولتيش ولا حاجة

كرري الزيارة دائما

مهندس زراعي يقول...

جميله وقويه ورائعه جدا جدا جدا جدا

بجد استمتعت كتير بالقرأه

تحياتي القلبيه لك

وربنا يزيدك أبداع على ابداع

yamen يقول...

rr:

يا بنتي الراجل لما شلتله الشنطة قاللي شوية حكم خليتني اكتب حاجة..انما انتو لو كنت شلتلكوا الشنطة كنتوا هتوجعوا دماغي بكلام مالهوش لازمة

بهزر..بهزر

هاكتبلك رايي في تكملة القصيدة في مدونتك ان شاء الله
متشكر انك شافية اني عملت حاجة بس انا مش شايف اني عملت حاجة لسة..

اما بالنسبة لموضوع التفاؤل ده فماقدرش اوعدك..انتي عارفاني

اشوفك علي خير ان شاء الله

عين ضيقة:

شرفتينا بمرورك الكريم
فعلا..الحالة عامة ومش عارف دي حاجة كويسة ولا وحشة

عموما يارب دي ماتكونش اخر زيارة
شرفتي


فركيكو..لا تلمني:

و الله انا مش عارف ارد عليك اقول ايه..

انا بس هاقولك علي حاجة في موضوع الوجوديين عشان ماحدش يفهمني غلط..

انا اعتقد ان كل واحد مش بيمثل غير افكاره من غير تصنيف

سعيكم مشكور يا عزيزي
شرفت بجد

ساعة الغروب:

و الله المدونة نورت..
انا اتشرفت بزيارتك الاولي ويا رب تتكرر دائما
..
السؤال ده فعلا بيدور في عقل الناس كلها بس مش كل الناس بتديله حقه من التفكير

متشكر علي الكلام الحلو ده ويارب اكون استحقه فعلا..
كرري الزيارة دائما

سندريللا:

انت كمان؟
معقولة؟
سبحان الله..يخلق من الشبه اربعين

انستي وشرفتي

مهندس زراعي:

ربنا يخليك يا بشمهندس
متشكر يا عزيزي علي كلامك الرقيق..
وارجو ان تشرفنا بزيارتك كثيرا وكثيرا

R.R يقول...

يابنى
هو ادالك كم حكمه
تكتب بيهم موضوع
احنا كنا هنديك اتنين جنيه فى النقله
شفت بقى كنت ممكن لو حوشتهم تطلع بايه

...
انت شايف ان مسعدتك لحد دى متعتبرش حاجه

يمكن

انا شايفه بقى ان هى حاجه
بس طبعا مش كل حاجه
لسه كمان فى حاجات كتير تانيه ممكن تعملها

وبالنسبه للتفاؤل
عيب عليك
انا ثقتى فيك اكبر من كده
انت صاحب شعار
طريقك مسدود
مسدود
مسدوووووووود

:)
مستنيه زيارتك ورايك فى كمالة القصيده

سلام

raspoutine يقول...

يامن
قريت البدايه بتاعتك عند صديقة وعجبتنى اوى
كلام جميل وقصه جميلة
وهيا فعلا ايام وبتعدى

تحياتى ليك يا صاحب نفس الاسم

محمد فوزي آل ربيع يقول...

و ما العمر إلا مسألة رياضة فلسفية تجتمع فيها نسبية العالم في ذات الشخص

هكذا حدثني صديقي النمر الوردي ذات شتاء على طاولة في أحد مقاهي باريس الشعبية

تسلم إيدك
فعلا نقاش مؤثر
عمر و بيعدي و ما بنسألش عنه
أهم حاجة يكون لله

تحياتي

ياسمين يقول...

البوست جميل
ومنه تستخلص شىء واحد هو اننا مش هيفضل لنا غير حب الناس لينا
عشان كدة لازم نحب الناس على قد ما نقدر
دة هيخليهم يحبونا
أفضل نهاية لأى شخص لما يكون ناس كتير ماشيين ورا الجنازة
صدقنى الميت بيعرف
الحب اساس كل شىء والظلم اشوأ شىء

الوردة السوداء يقول...

ومالك زعلان ليه

سيبها تعدى
محدش واخد منها حاجة ولله

اوعى تزعل على لحظة عدت
او حد راح
او انك محققتش حاجة من اللى نت عايزها

حاول
وابدأ من دلوقتى
الندم مبيوصلش لاى نتيجة

مع السلامة

smraa alnil يقول...

ايام وبتعدي
عارف انا عندي 25 سنة
في لحظة ياسي بقعد افكر واقول ضيعتهم في ايه وعملت ايه
ولا حاجة
وبقول ان عمري عدي ما بين اديا وانا مش حاسة
وفي لحظة بكون فيها متفائلة بقول ان عملت اللي مش في حد يقدر يعملوا في سني

يعني النقطة دي احينا بتكون مقياس لطريقة تفكيرنا

ونظرتنا لحياتنا

بس اي كان اللي بمر بيه ايام وبتعدي

واي حزن بيكون جوانا او تفكير بالياس والاحباط فدة بيكون ناتج من تقصير في اعمالنا تجاه الله

والدليل علي كلامي

من أعرض عن ذكرى فإن له معيشة ضنكا . و نحشره يوم القيامة أعمى" .
قال رب لم حشرتنى أعمى و قد كنت بصيرا . قال كذلك أتتك آياتى فنسيتها و كذلك اليوم تُنسى


انا مش بقول ان انا شيخة
لا احنا كلنا لازم نفكر بس بايجابية شوية

shermen يقول...

يامن أولا بحييك على كتاباتك فعلا حسيت انك كاتبها بإحساس صادق
ثانيا العمر بيجري بينا فلازم نعمل فيه حاجه تساعدنا لما نحتاجها

الراقص مع الذئاب يقول...

السلام عليكم

بص بقي يا سيدي انا هسمي خاطرتك ديه اوراق الخريف

هو كدا

ماشاء الله تبارك الله خاطرة جميلة....

عمري ينساب..كشربة ماء..في كف يدي يومي كغدي...
لفت نظر مقع مشابه في خاطرة كتبتها الدكتورة رنيا (علي هامش الحياة)...واستهوتني جدا اني اعلق علي الموضع
وفعلا هي كانت كاتبة انها تأثرت بخاطرتك واكملت عيلها
بجد ماشاء الله جميلة جدا والاجمل واقعيتها وخصوصا مع الرجل الطاعن في السن الذي تأبطك

خاطرتين في منتهي الجمال ومكملين لبعض...خاطرتك وخاطرة (هامش الحياة)

دمت في خير اخي الكريم واتمني ان اري المزيد إن شاء الله

sabrina يقول...

حتي لو فعلأ حس الواحد بكدةممكن يفتكر حاجات بسيطه زي
انه عمل فرق في حياه أنسان وقفه جنبه مره ساعده
حاجه مش كبيره بالنسبه له لكن فرقت مع التاني كتير

gohayna يقول...

مجرد اجابه للسؤالك الي طرحته عليا ايوه اكيد كانوا حسين انهم بيعملو حاجه
صحيح محسوش بمنتهي السعاده
او نهايتها
بس برضه كانوا حاسين انهم بيعملو حاجه

Sharm يقول...

رهيب اوي البيت اللى انت كاتبه ده

عمري ينساب
كشربة ماء في كف يدي
يومي كغدي

yamen يقول...

rr:

:)

تصدقي كانوا ممكن يعملوا حاجة في الايام السودا اللي احنا عايشينها دي..

دا الواحد يا بنتي حالته بقت صعبة خالص..

و بعدين اللي يستلم تكليفه في السويس زيي كده هايعرف فعلا انه مسدود مسدود مسدووووووووووووود

اشوفك علي خير ان شاء الله


راسبوتين:

ده انت اللي جميل يا عم راسبوتين

و بعدين انا لقيتك ماضي في التعليق اللي فات باسم يامن و لما رحت شفت البروفايل بتاعك لقيت مكتوف فيه ايمن..

فاتلخبطت..بس دلوقتي اتاكدت..

شرفت ونورت يا عم يامن
ومتبقاش تغيب علينا كده



محمد فوزي ال ربيع:

هو انت تعرف النمر الوردي شخصيا..

دا انا كنت باحب اتفرج عليه وانا صغير جدا علي فكرة..
بس ماكنتش اعرف انه بيقعد عل ي مقاهي في باريس و يقول الكلام الكبير ده..

شرفت ونورت يا ابن ال ربيع ويارب دي ماتكونش زيارة وبتعدي

yamen يقول...

ياسمين:

ربنا يخليكي يارب..

عندك حق في ان الحب اساس كل شئ وان الظلم اسوا شئ..

بس انا هاسالك سؤال ومستني منك رد عليه..

ياتري ايه هو الحب اصلا؟؟

سؤال سهل خالص اهه..
في انتظار ردك
شرفتيني بزيارتك ..


الوردة السوداء:

انا مش زعلان خالص علي فكرة..

و مش ندمان خالص علي اللي راح..

انا بس خايف من اللي جاي..

كرري الزيارة دائما


سمراء النيل:

قلت فاحسنت قولا..

فعلا حالتنا النفسية بتاثر كتير في طريقة تفكيرنا..

انما طبعا احنا متفقين ان في حقايق ثابتة او بمعني اصح حاجات لا خلاف عليها..
و من اهمها طبعا ان الانسان بعد مابيعيش..بيموت

و علي فكرة انا ماحستش انك شيخة ولا حاجة عشان ذكرتي الاية..
و بالمناسبة دي كان عندي سؤال ومستني منك رد عاجل عليه..
وهو سؤال سهل جدا علي فكرة وفي مستوي الطالب المتوسط..

يعني ايه ذكر الله؟

في انتظار ردك


شيرمين:

و الله ده بس من ذوقك..
ويارب اكون فعلا صادق في الكلام اللي انا قلته..

عندك حق ..بس السؤال بقه..ايه هي الحاجة اللي احنا المفروض نعملها دي؟؟

في انتظار زيارتك القادمة

yamen يقول...

الراقص مع الذئاب:

ماشي ياسيدي..براحتك

سميها اوراق الخريف..حلو برضه ..

و كفاية تشريفك لينا

يا اخي الواحد في الزمن ده مابقاش يقدر يتهني علي تدويناته..الناس بقت وحشة و الله


:)


بهزر طبعا..

رانيا صديقة عزيزة جدا و فعلا ادت للنص بعد تاني

جزاك الله خيرا يا عزيزي و متشكر علي رايك الجميل

ادام الله تشريفك لنا


sabrina:

عندك حق..

ماهي الحاجات الصغيرة دي هي اللي بتهون علي الواحد شوية والا كان انتحر..

سعيد بزيارتك جدا و في انتظار الزيارة القادمة


GOHAYNA:

جميل جدا..

طب بما انهم كانوا حاسين انهم بيعملوا حاجة بس ماكانوش حاسين بالسعادة..

تقدري تقوليلي بقه ايه هيه السعادة..؟

سعيد بتشريفك علي مستوي التدوين
وسعيد بمعرفتك علي مستوي الصداقة


SHARM:


يا باشا ده بس من ذوقك..

وبعدين انت فين من زمان يا عم احمد..
بقالك زمن مازرتناش.. ولا احنا ماعملناش معاك الواجب المرة اللي فاتت

في انتظار زيارتك القادمة يا عزيزي

Sampateek يقول...

عمري ينساب
كشربة ماء..في كف يدي
يومي كغدي
......

ليه التشاؤم ده
دي الدنيا ربيع
و الجو بديع

gohayna يقول...

عمر السعاده يا يامن يا عزيزي مكان ليها تعريف اصلا

السعاده شيئ نسبي


بنفضل طول عمرنا ندور عليه
وعمرنا ما نشبع منه ابدا

وبيختلف الاحساس دا من شخص للتاني


كل واحد علي حسب مفهومه

يعني فيه ناس تقولك السعاده في المال او البنون او اي شيئ تاني

انا سعادتي لما بكون بعمل حاجه كويسه والاقي الي قدامي مبسوط منها وساعدته او خففت عنه شويه بأي شيئ اقدر اقدمه

دا بيكون منتهي سعادتي اني ابسط الي حواليا وبستمد من هنا شعور بالرضي مقدرش اوصفه

دا في مفهومي انا

بس كدا

وانا سعيده بيك كمان كأخ عزيز ليا وانت اكيد عارف

ربنا يديم بنا المعروف يا يامن

تحياتي

شهيدة يقول...

الأخ يامن

أنا تعرفت على مدونتك بالصدفة
لكنني اعجبت بها جدا

كلامك عميق وجميل وصادق ونابع من القلب

تحياتي اليك
وبالتوفيق ان شاء الله

yamen يقول...

SAMPATEEK


شرفتي المدونة يا متفائلة

ويارب الزيارة الجميلة دي تتكرر دائما


GOHAYNA


ده كلام جميل جدا..

طب ايه رايك نوسع الموضوع شوية؟؟

خليني اسالك الاول..

هل في انسان سعيد وانسان غير سعيد؟

منتظر ردك يا اختي العزيزة


شهيدة:

ده من حسن حظي..

ورايك ده بس من ذوقك..

شرفتيني جدا بزيارتك وفي انتظار الزيارة القادمة

ابن مرّ يقول...

عمري ينساب
كشربة ماء من بين يدي
يومي كغدي
"يامن نوح"

وأنا
أغرفها
ثم أهادي
كي أسمع
في حلم القلب المجنون
داوود نبي الله ينادي
لا يشرب أحد من نهر الدنيا
يأتكيم نهر الدنيا زلفة
الا "من يأخذ بالكفين الغرفة"..لكن

لكن يا رسل الله
انساب الماء
من بين يدي
وأنا لم أغرف غير الغرفة
يتردد صوت

يأتكيم نهر الدنيا زلفة

لا يشرب أحد

الا من يأخذ بالكفين الغرفة

الا من يأخذ بالكفين الغرفة


وأفيق من الحلم المجنون

وأنا أنساب من الدنيا
كشريبة ماء
في كف يدي
يومي خوف من فقد حبيب
وغدي فقدي

وأنا أنساب

"ابن مرّ"

غير معرف يقول...

السلام عليكم يا اخ يامن


بجد موضوعاتك شيقه بس بجد كلها كئيبه و نكد وبصراحه الواحد مش ناقص نكد. بجد كأبتنا يا راجل وحاسس انى هانتحر قريب من كلامك ده.بس فى الاخر ماقدرش اقول غير انك انسان مبدع بس بردو كئيب وانا متأسف انى قولتلك رأيى بصراحه.

Horas يقول...

بداية اسعد بالتعليق علي مدونتك للمرة الأولي
انا منطقي او فلسفتي في المعني ده اني بحاول اعيش زي الأطفال اللحظة بلحظتها دون أو أرهق نفسي بعناء شيل الهم لبكره مع محاولتي لأرضاء الله وانا ماشي علي قد ما اقدر وبقالي فترة رافع شعار
عش يومك واهنأ بحياتك.... ولا تحزن
ما اجمل أن تعيش في دنياك كأنك تعيش ابدا وان تعمل لأخرتك كأنك تموت غدا
ما اجمل حياة الأطفال كلها صدق في فرحها وحزنها بلا هم ولا كرب
تحياتي لبوست الرائع

Horas يقول...

النور مكانه فى القلوب........... يا تكون اد الحياه يا تعيش غريب وسط الدروب........... المس خضار الشجر حس بضياء القمرانقش قلوب عالحجر على شىء ماتندمش......... فى ناس كتير ترضى المصير و ناس تشوف بضمير ضرير حلى مرار الايام لسه الحياه ادام قوم لون الاحلام و اوعى ما تضحكشى


ده كلماتك لأغنية مدحت صالح في فليم امير الظلام تتفق مع فكري في الموضوع ده

gohayna يقول...

بص يا اخويا العزيز جدا عليا

فيه انسان يقدر يحس بالسعاده وفيه واحد ميقدرش رغم توافر مسببات السعاده من حوله

يعني موضوع الاحساس بالسعاده متعلق بقدرتنا ورغبتنا اننا نحس بيها

انت شايف ايه؟

ياسمين يقول...

يامن .. على فكرة
أنا جاوبت على سؤالك فى بوست فى المدونة

shermen يقول...

أقولك الحاجه اللي ممكن نعملها
.
.
.
.
.
فتذودوا فإن خير الزاد التقوى

hosnysoliman يقول...

العزيز يامن
فهمت قصتك ولكنى احاول ان اوجه نظرك الى ان الراجل العجوز ده انت شوفته كان نازل من الاتوبيس ورايح يركب المترو ده كله علشان يكمل مشواره..هو عارف انها ايام بتمر ولكنه لم يتقوقع مكانه هو فى حركه ولو على عكازه..وهو كان سعيد برفقتك وهو سعيد كذلك فى ذهابه الى ابنه..لا يمكن للزمن ان يقف .وي.كننا انوقفه..واذا ادركنا انه يمر وانها حقيقة فيجب ان نعيشه من اتوبيس الى متروا ولكن لابد ايجاد سبيل للاستمتاع ولو على عكاز..الاستنتاع جوانا ولازم ندور عليه والياس و الكابه برده جوانا والزمن ماشى ماشى فايك ان تجعله يضحك عليك ويضيع من بين ايدك

الأرمـوطــي يقول...

بجد بوست هايل احساسك عالى ومرهف انا استمتعت بيه وحسيت كانى كنت معاك وبالنسبه لموضوع العمر فالعمر ساعة فجعلها طاعة وموتك سهم اطلق عليك يوم ولادتك وحياتك هيا مسافة وصول هذا السهم اليك
سلام

yamen يقول...

ابن مر:

حلوة اوي القصيدة بتاعتي اللي اتكتبت مرتين من غيري دي..

و بعدين هو انت ورانيا هتتنططوا عليا..

ماشي يا عم..

بس حلوة كعادتك(مش دايما يعني )..بس حمد الله علي السلامة..

اشوفك علي خير


مجهول:

يا باشا ولا يهمك..رايك علي عيني وراسي..بس انا علي فكرة عمري ما قصدت اكون كئيب او حاجة..بس انا اللي باحس بيه باكتبه.. و متشكر علي الكلمتين بتوع مبدع وكده..ده بس من ذوقك

في انتظار زيارتك القادمة بس حاول تبقي مبسوط شوية وانت داخل عشان ماتخرجش من عندي منتحر

شرفت يا عزيزي


حورس:

كلامك فكرني برباعية للخيام بتقول:

لا تشغل بالبال..بماضي الزمان
ولا بآتي العيش ..قبل الاوان
واغنم من الحاضر..لذاته
فليس في طبع الليالي الامان

شرفتني ونورتني

جهينة:

بصي ..انا قعدت افكر اقولها ايه..

مالقيتش حاجة ممكن اقولها غير..صدقتي..

بس انا عايز اقول حاجة صغيرة..

موضوع القدرة و الرغبة ده في حاجات كتير بتاثر عليه..
يعني مش بس السعادة.. لا.. وكل المشاعر زي الحب والكره والاهتمام و الفرح وكل المشاعر اللي بتدي للحياة قيمة..

كلها محتاجة من الانسان قدرة ورغبة..انما ساعات بيكون الانسان لاسباب خارجة عن ارادته الخوف مسيطر علي كيانه.. ومخليه حاطط كل مشاعره في تلاجة.. وده بيخليه فعلا مايقدرش يحس بالسعادة ولا بالالفة ولا بالحب حتي لو حواليه كل اسباب السعادة والحب..

ايه رايك..؟

yamen يقول...

ياسمين:

طبعا مفيش حاجة اقولها..عشان احنا قلنا كل الكلام عندك في مدونتك..

بس بجد ولتاني مرة..انا مبسوط جدا انك اهتميتي تجاوبي علي السؤال..و في بوست كمان مش في تعليق..

في انتظار الحوار الجميل القادم


shermen:

صدقتي.. ولكن لو بس نعرف ايه هي التقوي؟

شرفتيني باول زيارة ليكي ويارب ماتكونشي الاخيرة


الاستاذ حسني سليمان:

الزيارة دي غالية عندي جدا..
و حضرتك عندك حق..

و شكرا علي النصيحة..

تحياتي وارجو ان تشرفني بتكرار الزيارة..


الارموطي:

كلامك حكم يا عم ارمط..

و بجد متشكر علي رايك الجميل..

تحياتي و مستني زيارتك الجاية..

Hannoda يقول...

يامن

أيامي زي صاحبة عمري

ساعات أزهق منها و تزهق مني
وساعات نندمج أنا وهي قوي و نحب عشرتنا

وساعات أنتقدها و تنتقدني
وساعات نتلم على ناس جميله نحبهم و يحبونا ويقربوا ما بينا

وساعات نتحط قصاد بعض لوحدينا

انا وهي بس و شنا فوش بعض

أيامنا صديق بكل عيوبه و مميزاته و ظروفه و مشاكله

و اللي يملاها ممكن يكون ناس حاتعيشلنا من بعدنا

وممكن تكون أعمال تفكرهم بينا

وممكن يكون خير يسعدنا و يسعدهم و يفرح ربنا بينا

أيامنا قادرين نملاها و قادرين نسيبها تفضل ** كشربة ماء..في كف يدي** أتمنى أنه يكون مود لأني شايفة ان قلبك فيه من الرحمة و الحب اللي يقدر يملى أيامك حركة

معتزة جدا بزيارتي الأولي

وواضح اني حادّي نفسي حق اللجوء عنك

Van Gogh يقول...

هناك مقولة تقول
ان المستقبل قيمة لا معنى لها
فغداً..هو اليوم

واليوم دائماً ما يكون امس

غير معرف يقول...

کیر خر آغشته به سنده خوک تو کس ننه امام حسین و دوستداران امام حسین.

کیر خر و سنده خوک تو کس ننه حضرت زهرا دختر پیامبر اسلام.

غير معرف يقول...

有什么 有什么网址 有什么新闻 有什么博客 有什么论文
有什么图片 有什么音乐 有什么搜商 有什么帖客 天气预报

غير معرف يقول...

wow gold
wow gold
wow power leveling
wow power leveling
wow gold@@@@
World of Warcraft Gold
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow power leveling
wow powerleveling
wow powerleveling
wow powerleveling
rolex replica
wow powerleveling
wow powerleveling
wow powerleveling
wow powerleveling
wow powerleveling
wow powerleveling
wow powerleveling
wow powerleveling
replica rolex
powerleveling
powerleveling
powerleveling
powerleveling
power leveling
power leveling
powerleveling
powerleveling
power leveling
power leveling
power leveling
power leveling
power leveling
power leveling
power leveling
power leveling
rolex
wow gold
wow gold
Warcraft Gold
Warcraft Gold

中高年 転職
アルバイト 求人情報
ブライダル
転職
競馬
FX
ダイエット
お見合い
競馬 予想
新築マンション
新築マンション
コンタクトレンズ
婚約指輪
合宿免許
人材派遣
東京都 墓地
派遣会社
人材派遣
パチンコ 攻略
おなら

货架
OCR
OCR
手机词典
高速扫描
机票
灭蟑螂
蜗轮减速机
减速机
齿轮减速机
丝杆升降机
租房
租房
北京租房
北京租房
搬家公司
北京搬家
北京搬家公司
上海机票
上海机票
上海打折机票
上海打折机票
上海特价机票
上海特价机票
搬家公司
搬家公司
北京搬家公司
北京搬家公司

dgdghfgjghg

غير معرف يقول...

انا بحب حب من طرف وحد انا عيز حل

غير معرف يقول...

اى نعم معاكم فى هذا الكلام بس لى تعليق
انت حبى شبه جنونى نعم جنونى عشان انا بحب ولم استطيع الوصل اليها بما تمر بى ظروف عصيبة ومع ذالك لم اقف عن حبها بالرغم انها فقدت الامل فى انى اصل لها
ان الضرب يبعد بينى وبينها بلادولكن احبها بالرغم ما بقى من العمر الا قليل ومع ذالك احبها احب فيها همسها بل روحها بل كل ما ينبض بها فانا اسيرها واضحى بعمرى من اجلها ولم اكن قد استوفيتها حقها فى حبى لها ؟؟؟؟
اختصارا لى هذا انا اموت من اجلها فهل من يرحم حبى لها اغيثونى من اثر حبها ؟؟؟؟؟؟؟؟؟؟ولا ارغب فى البعد عن اثرها

غير معرف يقول...

اوووووووووووووف امتى قلبو يحس فيني ويحبني مثل ماانا ميته عليه آآآآآآآآآآآه وينك ياحمود ياحياتي ياعمري احبك موووووت امووووووووووووووووووووووه ادعولي بليز انا الله يجمعنا وانا ادعيلكم احسن الدعاء اموووووووووووووووووووووه للي يدعيلي الله يوفقه بحياتي

غير معرف يقول...

تصفيق حاد ياصديقى