السبت، فبراير ٠٣، ٢٠٠٧

قبل أن نتفتت..

بعدما عادت من مرضها الشديد..قالت لي السيدة أم رامز صاحبة المكتبة المجاورة لمنزلي:ا

"ه"والله يادكتور..سبحان الله..يحي العظام وهي رميم

تبسمت للحظة..و تنبهت فجأة الي ان ام رامز مسيحية
طبعا لم تكن المفاجاة في كونها مسيحية..ولكن في استخدامها لهذه الاية من القران..

لكم احب هذه المرأة!!ا

ان مكتبة ام رامز هذه بمثابة معرض دائم للكتب في منطقتي..كلما امر عليها اجدها اضافت الي محتويات المكتبة كتبا جديدة..و لا اعرف كيف تستطيع انتقاء الكتب..فانني دائما اجدني ارغب في شراء كل الكتب المعروضة..ا

لابد ان هذه المرأة هي التي شكلت ثقافة المنطقة كلها..ا

ان ما قالته ام رامز-علي بساطته-شغلني لفترة طويلة..ا

شئ ما جعل هذه المرأة تتكلم ببساطة حقيقية..ربما حتي لم تكن تدري أن ما تقوله اية من القران..
هذه الواقعة و واقعات اخري جعلتي اؤمن انه ثمة ما يسمي "ثقافة المجتمع"..ه
تلك التي يصوغها التاريخ والدين والخرافة واشياء اخري..ه
و ثقافة المجتمع المصري..اشترك في صياغتها رمسيس الاول والمسيح وعمرو بن العاص ونابليون والانجليز الذين اقاموا في بلادنا اكثر مما اقاموا في بلادهم..وقبائل الحجاج المغاربة التي كانت تمر علي مصر في طريقها..و محمد علي

و انهيار الاتحاد السوفييتي..و احتلال فلسطين..و غزو امريكا للعراق..و الحرب العالمية..
و الثورة الصناعية في اوروبا..و الثورة الفرنسية..و اللغة العربية..و خرافات الدجالين و احتفالات الفاطميين
و القومية العربيةوالشيوعية والعلمانية و الاسلام

الاسلام..

من منا لا ينظر الي مجتمعنا و يري تاثير الاسلام عليه..
ربما لا نكون اكثر المجتمعات تدينا..لكننا اكثر المجتمعات تأثرا بالاسلام كحضارة..
فبرغم كل ما يثار كل حين عن التوتر الطائفي..نحن حقا مجتمع متجانس الثقافة بشكل لا تجده في اي مجتمع في العالم..و انظر الي اقرب الجيران لنا لتعرف هذه الحقيقة بنفسك..ا

السودان..لبنان..العراق..المغرب..أو انظر الي الولايات المتحدة لتعرف معني التمزق الثقافي كما يجب ان يكون..!!ا

هل اكون متحيزااذا قلت ان الاسلام و الشخصية المصرية هما اللذان صنعا هذا التجانس الثقافي؟

ولا اقصد الاسلام كدين..و لكني اقصد الاسلام كمشروع حضاري
تلك الرؤية التي ننظر بها الي الحياة..اخلاقياتنا..طبيعة تعاملاتنا..مسلمين و مسيحيين
كل هذا هو ما نسميه المرجيعة الحضارية
والانسان المصري..بهذه الخلفية لم يجد -حتي الان- من يحول هذه المرجعية الي مشروع حقيقي..ا
ولعل هذا هو سبب كل ذلك التخبط السياسي الذي تعيشه مصر..

و كلما غاب هذا المشروع عن الناس..زاد احتقانهم..و زادت حيرتهم..و زاد تخبطهم

ربما كانت المحاولة الاولي من نوعها-في مصرعلي الاقل- لترجمة هذه الافكار الي مشروع حقيقي كانت محاولة حزب الوسط الجديد..و الذي يعرف بانه اول حزب مدني بمرجعية اسلامية..

وربما لذات السبب يجد هذا الحزب كل هذه المقاومة من النظام لقيامه..ا

و ربما كان ذلك السبب ايضا هو مادفعني الي الانضمام الي شباب هذا الحزب

لان مصر لم تكن في حاجة الي هذا المشروع المتطور بقدر ما تحتاجه اليوم..

اليوم..و قد ازداد تخبط الناس حتي انهم ما عادوا يميزون..فقط يبحثون عن اي قشة يتعلقون بها
..

ربما كانت هذه القشة شعارا دينيا ما..او ربما وعدا كاذبا..او حتي التلويح بمعارضة النظام صار يغري الناس بالجري وراءه..
ولهذا فمصر اليوم في امس الحاجة الي مشروع يترجم ثقافة ابناءها.. ويحتوي كل المكونات الثقافية لهذا المجتمع..الذي حافظ علي تماسكه حتي الان..ا

و لكن..ه

..و حده الله يعلم..ماذا سيحدث لهذا المجتمع

اذا تأخر المشروع اكثر من ذلك..!!ا

هناك ٢٢ تعليقًا:

DR MIMO يقول...

yamen ya fanan
wenta 3aref ana lih ba2olak enk fanan ana tab3an mosh had7'ol fi details a7sn yet2bed 3lina ....
la2 begd asli malish awi fi al hagat dih bas kol ali 3awza a2olholak ya a3z so7aby eni ba7ib awi a2ra al kalam ali enta betktboh bakon mabsota awi wana ba2raha ya reet tektb aktr mn kedh 3lashan ana ba7ib a2rah eslobak yegneen wenta 3aref ba2it ra2i mn 3'air ma a2oloh bas plz ektb aktr mn kedh

FTM يقول...

موضوع جميل ..فعلا الحضارة الإسلامية دخلت فى نسيج الشعب المصرى و صارت جزأ منة وهو ما تحاول امريكا و اتباعها الان هدم أساسة بمحاولتها لبث الفرقة.

تحياتى

واحد من الناس يقول...

دكتور
طبعا مش لازم اقلك انك مقصر قد ايه في انك مابتكتبش
كفاية اللي الناس بيقولوه
المهم الموضوع كويس جدا
دخلة جميلة وربط رائع
بس فين ده من الاول
ارحم نفسك من مودك اللي بيحركك
اخلص اكتر
واشتغل اكتر واكتر
ماتخافيش يا جميل من الخطاء
على الاقل احسن من الوقوف

المقالة فعلا كويسة
المهم حانتجمع امتى
وبعدين الى الدكتورة ميمو انتي مقتنعة طب ليه ماجتيش اللقاءولا جيتي وانا ماعرفش
عموما ربنا يقوينا ويلهمنا الصبر والقوة

غير معرف يقول...

انا فعلا بقابل دا كتيييير بحكم اني بتعامل مع مسحيييين كتير اوي ولمست دا بنفسي وعمرنا ماكنا ابدا بنحط في اعتبراتنا ابدا دا دينه ايه او مسلم ولا لا علشان انقي الكلمات بلعكس احنا يكمن زمان مكناش بنعرف اذا كان الشخص دا مسيحي ولا مسلم غير من الاسم لكن التصرفات واحده والطباع واحده بس الغريب في اليومين دول حاله الاحتقان الموجوده بينا ودي مش هزار في حاجه غلط بينا وبينهم استغلتها الدول التانيه الي عايزانا نفضل في حاله انشغال دايما بخوف ان تقوم فتنه طائفيه علي اتفه سبب ودا الي جايبنا ورا وللاسف نجحت فيه كتير من المسلمييين دلوقتي بيسأل علي الديانه الاول والمسيحي كمان بقي بيضحك ضحكه صفرا مش طالعه من القلب .الي بقوله دا مش عموم دي اكيد حالات بس للاسف كترت في زماناواعدأنا عرفوا يستغلوها ويلعبوها صح. دا بالنسبه للموضوع اما انت فانت فعلا كسول انا 5مره ادخل المدونه وملقيش حاجه اتلحلح شويه يا يامن وامتعنا بكتاباتك الي مش محتاجه اني اقولك انها اكتر من ابداع لان كلامك سهل استيعابه والشعور بيه وربنا معاك دايما اختك جيهان

R.R يقول...
أزال المؤلف هذا التعليق.
R.R يقول...

صديقى اللدود
اللى بيتهدد
دخلت قريت الموضوع اللى عجبنى جدا فى صياغته وفى ربط الموضوع بالحزب
بس تعرف اول ما وصلت للجزئيه بتاعت الربط وقعت من الضحك
مش علشان اى حاجه لا سمح الله
بس افتكرت فيلم
جاءنا البيان التالى
اما كان هنيدى بيعمل دعايه لنوع لبن
اسمه باور فاميلى
وخصوصا الجزء اللى راح يستغل حدثة الاتوبيس اللى مات فيها كتير ماعادا العروسين اللى طلعو الرحله اساسا كهدية من الشركه بتاعت اللبن
وهو استغل فرصة انهم لسه عايشين وعمل اعلان
لو شربت لبن باور فاملى وعملت حادثه هتطلع سليم
حاجه زى اشترك فى حزب الوسط ومشاكلك تتحل
او على راايك
اتقى الله وكن وسطيا
^_^
طبعا دى مجرد مزحه


ربنا يكرم ويبقى على الاقل خطوه فعاله للتغير الايجابى
لانى مقتنعه ان التغير بواسطة الحزب مجرد خطوه
لان فى راى التغير لازم يبقى فى اطار وبمشاركة جميع الاحزاب
وده حاجه من اللى المهندس ابو العلا قلها فى الندوه
عن وجوب تعاون الاحزاب


ممممممممممممم
كنت عايزه اقول ايه...كنت عايزه اقول ايه؟

اه نرجع تانى لموضوعك
فى حاجه غريبه جت على ذهنى وانا قاعده اقرء الجزء الخاص بثقافة الشعب المصرى او الامه اللى هى قائمه على الدين الاسلامى بشكل ما
تعرف حسيت اننا لو قعدنا نركز على النقطه دى كتير
هنعمل حركه من زى ما بيقولوا الحراك
وفى راى ممكن يكون حراك سلبى
بمعنى ان ممكن ناس من غير المسلمين يفكروا فى الموضوع ويقولوا لنفسهم ايوه صحيح احنا ليه بنستخدم الفاظهم وقرانهم
اوممكن يجى ناس تانيه تحط الفكره دى وتفعلها بشكل ما

مش عارفه لا
دى فكره مجنونه خطرت على بالى
معتقدش او ماملش
بس الواحد بقى متشائم وبيفكر فى السلبيات اللى ممكن متبقاش موجوده
ما عالينا
انا قلت اعبر عن راى كله

سلام بعصبيه
وانت برضو بتدهدد ها بس
سلامززز

غير معرف يقول...

ezayak ya yamen,begad elmawdo3 to7fa,elmokadema kanet gamila w ba3deen da7'alt fel mawdo3 7elw awi,begad ya yamen enta betekteb 7elw awi,go on w rabina yewafa2ak isa w ashofak kateb ashhor awi. Radwa Talal

غير معرف يقول...

slamo 3likom
the deep and clear words usually comes from an opened mind and pure soul.....so use them in the right way.and dont waste them yamen

yamen يقول...

صديقتي الغالية دكتور ميمو:

متخافيش انه يتقبض علينا عشان الحكومة بتقبض اليومين دول علي الاخوان بس..

دايما كده مشرفة المدونة..

اشوفك علي خير

yamen يقول...

FTM:

شكرا علي الزيارة والتعليق..
شرفتينا

صديقي الجميل واحد من الناس:

عندك حق..الخطأ فعلا احسن من الوقوف

اشوفك علي خير


اختي العزيزة جيهان:

انا معاكي في كل اللي انتي قلتيه..و النهارده بالصدفة عرفت ان واحد من اقرب اصدقائي وهو مسلم والدته اسمها مارسيل لان اقرب اصدقاء جدته كانت مسيحية واسمها مارسيل

اسف علي كسلي
اشوفك علي خير

yamen يقول...

RR:

اشكرك علي رايك في الموضوع..

ولكن بالمناسبة..

انا مش بارصد المواقف عشان اعمل دعاية للحزب وخلاص..انا باكتب افكاري ومش باعمل اعلانات

ثانيا..

الحقيقة اللي انتي بتقوليه ده حاصل فعلا..
بس لان الناس مع الاسف بتركز علي "الدين" الاسلامي ومع الاسف كتير من ادعياء العلم والدين بيستخرجوا من "التاريخ" فتاوي تؤيد الكلام ده من غير ما يعرفوا انهم كده بيخدموا اعدائهم مش بيخدموا الاسلام..

انما اللي انا باتكلم عنه هو "الحضارة" الاسلامية مش "الدين" اللي هو بمعني العبادات والفقه وخلافة
وبالمقابل برضهااحنا لازم نعترف امام انفسنا بالتاريخ الطويل للاقباط في مصر وتاثيرهم الثقافي علينا

سلام

صديقتي رضوي :

شكرا علي رايك الجميل
وتاني مرة اقولك اني بجد باتبسط لما اشوف تعليقك


يارب دايما منورانا


THE GUEST:

شكرا علي الزيارة والتعليق

وفي انتظار زيارات اخري

غير معرف يقول...

بجد يا يامن انت بتقرأ افكار الناس اللى لسة متمسكين بفكرة الثقافة الاسلامية و مش قادرين يتراجعوا عنها و هما دول اللى مازالوا مؤمنين باننا ابناء حضارة عظيمة لابد ان نفخر بها وانا من اشد المعجبين بفكر الاستاذ فهمى هويدى الذى لم يفقد الامل فى هذا الموضوع ............و انا ايضا لم افقد الامل بعد ....هالة عبد اللطيف

أحمد المصري يقول...

الله على الكلام الجميل الرائع المترابط والله إنت خلتني أحب الست أم رامز فعلا
(ثقافة المجتمع):مفهوم ربما غير مفعل على نطاق منظم إنما هو موروث غير مقصود وساهم فيه فعلا كل من ذكرتهم
وخاصة :الإسلام كما قلت بالضبط
لكن فكرة الإنضمام لحزب جديد ذو مرجعية دينية محتاجة تفكير بس مادام انت مقتنع ..خلاص توكل على الله ..المهم يكون الحق واضح لأنه بقى مش باين اليومين دول من كتر اللي بيتكلموا من غير علم زي الببغانات بالضبط..ربنا يوفقك ويوفقنا جميعا0
مع تحياتي00
والسلام عليكم0

غير معرف يقول...

اخي العزيز يامن ....كلامك جميل جدا ومعذره انى مكتبتش تعليقاتى قبل كده انت عارف مشغوولياتى!وهى جميله جداوان شاء الله حاكتب فى اول فرصه.
وحشنى الكلام بتاعك والاسلوب الجميل ده بس انا حاسه ان الاسلوب اتغير شويه عن زمان (للاحسن طبعا) اكيد كبرت شويه
يمكن انت عندك الفرصة انك تشترك فى الحزب لكن لو مش حاينفع تعمل ايه اعتقد ان الموضوع اكبر من كده بس دى محاوله جيدة وربنا معاكو وخلينا نعرف اخبار الحزب ونتابع اخر التطورات ولو جاتلى الفرصه انى اشتركك معاكو اكيد مش حاتخر استمر فى الكتابه الجميله دى وربنا يوفقك

اختك h.hashem

Reema يقول...

سردك في الاحداث فعلا جميل ومترابط
الفكرة في حد ذاتها جميلة
ومنقدرش ننكر الحضارة الاسلامية ولا القبطية في مصر لأنهم بيكملوا بعض انفصال اي جزء منها حايضيع ملامح كتير اساسية في شخصية المصريين

ALiaa يقول...

مشروع حضاري!! تحقق من قبل و سقط مثل غيره لأن التطبيق معيوب و بلا أعمدة متوازنة الأطوال.... أتمني أن يتحقق و لكن بلا عيوب

أشرف حمدي يقول...

لا تنسى أن سعد الصغير وعناقيد عنبه قد ساهمت بشكل كبير في ثقافة الشعب المصري !

هذه التدوينة قوية جدا ورائعة , لم أكن أعلم ــ ونحن اصدقاء منذ سنوات ــ بأنك علي هذا القدر من الثقافة
أنا ابتديت أخاف منك يا يامن .
شكلك كده حتودينا في داهية .

ولكني لا أؤمن بأهمية الأحزاب في مصر . مجرد كلام وكلام وكلام وبس
مصر مش عاوز أحزاب
مصر محتاجة عودك يا مان يمكن ينضف عقول الناس من العنب والقوطة الحمرا وأيظننوا
مصر محتاجة تقرأ وتشوف أفلام بجد وتسمع أغاني بجد وتشوف كاريكاتير حقيقي مش زي بتاع عمرو فهمي

أشوفك في المعرض يوم السبت الساعة 8 مع خالد الصاوي
ربنا يقدرني وآجي
واحشني جدا
تحياتي

yamen يقول...

العزيزة هالة:

ارجوكي لا تفقدي الامل ابدا

شرفتينا ونورتينا

الجيفاراوي د.احمد المصري:

كل حاجة في الدنيا محتاجة تفكير
لكن المهم الفعل يا عزيزي

شرفتنا يا دكتور

اختي العزيزة هايدي:

و الله زمااااااااااااااااااان

ليه بتقولي انك ماعندكيش الفرصة انك تشتركي في الحزب

الموضوع سهل جدا ومش محتاج منك اكتر من مشوار صغير

اشوفك علي خير دائما

ريما:

صدقتي يا ريما
كرري الزيارة دائما

علياء:

عندك حق في ان كثير من المشاريع سقطت لعيوب التطبيق
ولكن اذا كنت منتظرة مشروع بلا عيوب عشان تشاركي فيه
فسيطول انتظارك كثيرا

تشرفت بزيارتك

الرائع اشرف حمدي:

انا فعلا نسيت اذكر سعد الصغير والعنب الحنطور والواوا

وبعدين يا عم لو انا اللي هاوديك في داهية..
يبقي انت هاتودينا فين؟
ورا الشمس

و بعدين ماتقلقش من الحكاية دي يا صاحبي عشان الحكومة
ما بتاخدش دلوقتي غير الاخوان

اشوفك ان شاء الله يوم السبت

هاتوحشني لغاية ما اشوفك

غير معرف يقول...

اذيك يا صديقي الكسووووووووووووووووووووووووول اوي
فين باقي المواضيع يا يامن انا كل يوم بدخل المدونه علشان اشوف حاجه جديده بلاش بخل الشعرا دا حن واكتب بكرم شويه يا يامن.المهم انا بسلم عليك وهديلك عنوان المدونه بتاعتي واتمني تشرفني بالزياره وتقولي رائيك ايه. هيا مش حجات سياسيه علشان انا فعلا زهقت منها كلها موضيع لايت وخفيفه وان شاء الله تعجبك.مش محتاجه اقولك ان رئيك يهمني جدا.www.daweyelsamt.blogspot.com وياريت تضفني عندك يا معلم اختك جيهان

إنسان || Human يقول...

YAMEN
الإسلام نظام كامل ..ولو طبق لحلت كل المشاكل ..,ولكن المشكلة في من يصبغون الإسلام ببعض الصبغات التي تغير طبيعته وتكون النتيجه النفور من الدين ..ذلك التحريم العمال على بطال يعطي صورة متشددة
.................
الصراحة انا متابع اخبار حزب الوسط من زمان ومعجب بيه جدا
ورأيت شخصيات محترمة جدا منضمة وفعالة في مجتمعها
ياترى هل حزب الوسط فعلا خارج من عباءة الإخوان ؟
ياريت توضحلي
ولو انا حابب انضم (إلكترونيا )الى هذا الحزب في البداية فقط ماذا أفعل؟

أشرف حمدي يقول...

ماطلعش السبت
أنا باين عليا مسطول الظاهر
ده يوم الثلاثاء
20-2
الساعة 8
سوري يا يامن

yamen يقول...

اختي العزيزة جيهان:

الف مبروك علي افتتاح المدونة..
احنا كده كسبنا مدونة موهوبة
انا اسف علي الكسل بس الحقيقة يظهر ان ديل العصفورة عمره ما هيتعدل
يا رب كده دايما مشرفة مدونتي ومنوراها

اشوفك علي خير يا اختاه





human:

صدقت يا عزيزي في موضوع الناس اللي بتشوه الاسلام..

و صدقت كمان في موضوع الشخصيات المحترمة اللي في الحزب و من امثالهم الدكتور عبد الوهاب المسيري و للعلم هو اللي كاتب برنامج الحزب وكمان الدكتور محمد سليم العوا وغيرهم

وموضوع عباءة الاخوان دي ليها علاقة بان وكيل المؤسسين المهندس ابو العلا ماضي كان في الاخوان وحاول لمدة طويلة انه يحقق المشروع ده من خلال الاخوان و فشل لانهم رفضوا فخرج من الاخوان وعمل الحزب ..فالاخوان قالوا عليه منشق و الحكومة قالت عليه انه خارج من عباءة الاخوان..بس يا سيدي

وموضوع انك تنضم للحزب اليكترونيا ده موضوع سهل خالص..

كل اللي عليك انك تدوس علي البانر اللي موجود في الصفحة الرئيسية للمدونة هتلاقي نفسك في موقع الحزب مباشرة.. وعيش بقه

ولو فيه اي استفسارات او اي حاجة تانية انا تحت امرك

شرفت يا سيدي

اشرف حمدي العزيز:

عادي يا سيدي ولا يهمك
برضه التلات مافيهوش مشكلة بالنسبالي
المهم اشوفك