الناس..طرق
الناس طرق
في ناس طريقها..مايتمشيش
وناس طريقها
مايتنسيش
وناس يضيع العمر منها
في مفترق
.....الناس طرق
.....
الناس يتامي ومحرومين
الناس يتامي ومحرومين
ومحتاجين
ومحتاجين
ومحتاجين
مستنيين اللي يشيل
حجر الهموم
من فوق كتافهم
مستنيين
وسنين..سنين
تايهين في صحرا
وملهوفين
علي حد عارف الطريق
او حد قادر
للعطاشي يبل ريق
يمكن اله
يمكن نبي
يمكن مسيح
يمكن ولي
و يمكن صديق
يمكن حبيب
تبكي في حضنه وتنكسر
ويحس همك زي همه
.......
ويمكن مالقيوش كل ده
ولسه تايهين في الطرق
....
الناس طرق
هناك ٢٣ تعليقًا:
مش عارف هي على الأعم حلوة بس كان ممكن تتظبط عن كده
وناس طريقها
مايتنسيش
احسبك منهم
ولا ازكيك على خالقك
صدقت احنا
محتاجين
ومحتاجين
ومحتاجين
تحياتي الممتنة
وناس يضيع العمر منها
في مفترق
مؤلم جداً الشطر ده ..
بس خلينا نتأمل .. انته فاكر فعلاً إنك لو لقيت اللي بيبلوا الريق دول أحدهم أو كلهم هتبطل توهان في الصحرة ؟! المشكلة الحقيقية إنهم يبلوا ريقك و تلاقي نفسك برده لسة في المفترق لغاية متموت ..
لحن يابني القطعة ده .. لما تلحن حاجة حاسس بيها أحسن من تلحين نشيد بتاع حاجة محدش بقى حاسس بيها !
هو حامد قصده على انهي نشيد
لا لا لا
لازم أعرف
عموما انا كنت هقولك تقريبا نفس اللى قالوا حامد ما عدا الفقرة بتاعة اللحن دي
حلوة القصيدة
كل سنة وانت طيب
مبدعه اوى القصيده ومضمنها تحفه بجد يارب نكون من اليعرفو طرقهم وميضيعوش ولايتوهو صعبه اوى الاحساس ده
تحياتى
كلمات رووعه بجد..
وبتحكى واقع حقيقى .
ابدعت فيما وصفت يا اخى .
تقبل زيارتى البسيطه لك .
مدونه بجد جميله جدااا
أتمنى لك التوفيق دائما
تشبيه مبتكر
صعب انك تلاقي الناس ماشية في طريق واحد
لازم طرقنا تكون مختلفة بس ساعات هتتلاقى الطرق
قصيدة جميلة فعلا
تحياتي ليك
معرفش كلماتك فيها ايه بصراحة مش قادرة احدد بس هى قيها حاجة انا بحبها
يمكن الوزن الحر مع القافية العامية الجميلة اللى فيها مع تناغم و انسجام الفكرة بشكل جميل بيخلى الواحد يعيش مع كلماتك رغم بساطتها و سهولة اسلوبها
و كنوع من انواع المجاراه بهديك كلمات كنت كتباها من فترة طويلة فى احدى مراحل حياتى النفسية
اتمنى تعجبك
مفيش عنوان و لا موضوع
و قلبى عايش الوحدة
فسجن كبير ملوش آخر
هواه مكتوم ...قضيبه ضلوع
و لسه بحاول اتكلم
سطورى كلام كتير موجوع ... بيتألم
برغم الجرح بتكلم
آدينى بقول
بعيش رحال فى بحر غريق
و قلبى يا دنيا متغرب .... فى وسط طريق
بنادى و توسع الخطوة ... و صدرى يضيق
و بوصل آخر السكة ... بيفرح قلبى و يغنى
الاقى الوحدة ليا رفيق
برغم الحزن مش ساكت
بغنى كتير و أقول مواويل
و ادور تانى فى السكة
ألاقى الوحدة درب طويل
و مش ساكت بقول مواويل ... و بغنى
طريقى طويل لكن صابر و مستنى
لا عمر الحزن يغلبنى .... و لا الوحدة حتقتلنى
رمضان كريم :)
كل سنة و انت طيب
الناس طرق
وكل واحد وطريقته
اما طريق مستقيم او طريق منحنى او مفارق طرق
مودتى
كلمات حلوة قوي وواقعية جدا
بس للاسف لسا محدش عرف الطريق
تحياتي
و محتاجين
و محتاجين
و محتاجين.....
حلوة جداً...
كل رمضان و انت معانا :)
ابن مر:
ماشي يا باشا..اتمني اشوفك بكرة(اللي هوه الجمعة)
تحياتي
فريدة:
ليس لي ان اقول الا..شكرا لانك كنت هنا
سلام عليك
الحبيب حامد:
عن الشطر المؤلم..صدقت
وعن التلحين..هاحاول
وعما بينهما..انت بتقوللي انا الكلام ده ولا بتقوله لنفسك؟
حبي و تحية
محمد طلبة رضوان:
لا عادي مش لازم تعرف ولا حاجة..
هي اصلا معلومة مش مهمة ابدا..
ده قصده علي نشيد كفاية اللي كاتبه واد شاعر كده اسمه محمد طلبة رضوان..
عادي يعني..
:)
تحياتي
مصطفي ريان:
وانت طيب و بخير..
شرفت المدونة..وفي انتظار زيارات اخري..
تحياتي
ماء تشرين:
ااااامين..
شكرا علي رايك في القصيدة..
(بالمناسبة اسمك عاجبني جدا)
تحياتي..
ضي القمر:
اشكرك شكرا جزيلا علي المدح الجميل الذي لا استحقه..
تحياتي وشرفينا دائما
hui mu han:
برغم اني مش فاهم اسمك ده معناه ايه ..
:)
بس شرفت المدونة ..
واشكرك علي رايك في القصيدة..
تحياتي وكرر الزيارة..
ورود واشواك:
بيننا "مباراة"..لم تنته بعد..
كلماتك عجبتني وعلمتني بجد..
تحياتي المعجبه..
Desert cat:
صدقت..
تحياتي وكرري الزيارة دائما
انا حر:
ويظهر انه ماحدش هايعرفه خالص..ودي الماساة
تحياتي
sabsoob:
كوني جميلة..كما انت..
لك حبي
فينك يا عم ؟ لا صباح ولا مسا ولا كلمة كويسة ؟ عاوزين نتسحر مع بعض بقى زي زمان .
عملت ايه في سيناريو الفيلم ؟
عندي ليك فيلم تاني لو عاوز :)
بس المرادي فيلم فانتاسي
عارف كأني كنت ماشيةوعامله فيها مبسوطه و بقول لنفسي أنا عارفه طريقي كويس أيوه السكه من هنا! كل يوم بسمعها لنفسي كأني خايفه أنساها أو يمكن بقنع نفسي بيها !
وجيت حضرتك وكعادتك طبعا !
وقلتي هوأنتي عاميه ولا بتستهبلي !
أحنا مش عارفين الطريق،
أحنا فيه الحيره مليانه
والوحده قتلنا
وحضرتك ببساطه كده مبسوطةومش دريانه بصي دي المايه خلصانه هنموت من العطش ولافى مطر
ربنا يتولنا!
وناس طريقهم ضيق اوى
وناس مش قادرة تمشى والطريق بينادى
وناس على الطريق ماشيه وعن الايمان شاردة
كلامك جميل اوى
حزينه
السلام عليكم
اسجل اول مرورى
الله بجد كلمات البوست ده حلو اوى ومناسبة جدااا
بحيك عليه
رمضااااان كريم
صدقت فوق ما تتصور أو يخطر ببالك ..
حلوة اوي .. و لو تعلم .. مؤلمة اوي اوي ..
وناس يضيع العمر منها
في مفترق.....
يارب ميضيعش أكتر م اللي ضاع بقى ...
تحياتي لك و لكلماتك التي تلمس وترا حساسا مني
و كل سنة و انت طيب :)
اشرف حمدي:
واحشني جدا..معلش سامحني علي التقصير معاك..ان شاء الله يكون بيننا لقاء قريب ان شاء الله
وبالمرة نشوف موضوع الفيلم التاني ده
تحياتي
غير معرف:
اشكرك علي الزيارة
كلمات:
مش عارف اقولك ايه بصراحة..
ربنا يتولانا
تحياتي
حزينة:
اشكرك علي كلماتك الصادقة
كرري الزيارة دائما
تحياتي
جوجو:
الله اكرم..
وارد عليك التحية والشكر
كرر الزياة دائما.
تحياتي
ايه مش هنا..
مش عارف الواحد ممكن يرد علي اللي انتي قلتيه ده ازاي..
بصراحة ماعنديش غير اني اشاركك الضياع
و الحسرة
احتفظي بصدقك دائما..
تحياتي
أعجبتنى تلك اللوحه
التى رسمتها بكلماتك البسيطه
تحياتى (:
إرسال تعليق