بنموت..بجد
بنموت..بجدو نعيش..بجد
والوقت مايبطلش..عد
و احنا..اللي تايهين
في الطرق
في الطرق
وكأننا
مِتوَجّهين
لقِبلة..مش مِتعَلمة
دايرين ندوّر.. ع الحقيقة
و الحقيقة..مش عند حد
بنموت..بجد
و نعيش..بجد
...
الاثنين، مارس ٠٣، ٢٠٠٨
بنموت..بجد
الاشتراك في:
تعليقات الرسالة (Atom)
هناك ٢٢ تعليقًا:
يامن الجميل
قصدى صديقى الصدوق
اولا وحشتنى جدا انا مبسوطة اوى انى اول واحدة اعلق زى زمان مبسوطة انك بتكتب وكمان ناس كتير ما شاء الله بتقره ربنا يكرمك يا صديقى واشوفك احسن واحد فى الدنيا نفسى اعرف اخباراك واطمن عليك ببعتلك السلام مع عشرى ياه الله يرحم ايام المنشيه المهم كل اللى كاتبه يجنن خصوصا مس علياء انا حاسيت بيها اوى يمكن علشان اعرفك كويس معلش كلامى مش مترتب اصلى مش عارفه اكتب ايه ولا ايه
اهم ما فى الموضوع ان ايام المنشيه كانت جميله يا ريتها دامت
صحيح النتيجه قريب ادعيلى وربنا يوفقك يا رب
دى اغنيه مش كده؟؟؟
حلوه قوى وخفيفه على الودن
وكأنى سامعه لحنها فى ودنى
انت اللى كاتبها.. مش كده؟؟
الله الله الله ...
جميلة اوي يا يامن
(وكاننا متوجهين لقبلة مشمتعلمة)
بالظبط محدش مننا عارف هو بيدور علي اه ولا رايح فين
بس انت لية كاتب نموت فبل نعيش ولا يمكن علشان الموت حقيقي اكتر من الحياة
يس حلوة يا يامن برافوووو
mohammad da ana 3ashry
عندي حاجة في البوست لازم تشوفها
تحياتي
ومتاسفة مرة ثانية
حلوة .... بجــد
***************
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً
يا مزاجه
أجمل حاجة بتعجبني فيك يا دكتور انك بتعمل دماغ عالية من غير حشيش :)
تحفة بجد
بقولك يا حبي
عندي ليك قصيدة عاجباني جدا ، ايه رأيك تلحنها وأوزعها انا ونشوف مين يغنيها ؟
القصيدة حتلاقيها عندي في تعليقات آخر بوست (قوللي ولا تخبيش يا حمار)
القصيدة بتقول :
نام يا مصرى مصر مش عايزة تناديك
ياللى فقر الدنيا أصبح لك شريك
ياللى كان دائك وفائك والكرامة وكبريائك
الحشيش والبانجو ساقك.كبريائك مات خلاص البركة فيك
نام يا مصرى مصر مش عايزة تناديك
الباقي عندي بقى
قوللي رأيك
جميل الكلام
تحياتى و بالتوفيق
السلام عليكم
كلمات رائعة يا يامن
بس متبقاش تغيب علينا
http://www.men-misr.blogspot.com/
دي وصلة القصيدة الكاملة
ياريت تلحنها بقى يا حبي :) عيش حياتك
الأخ العزيز .يامن..أعذرنى إذا كنت بدأت تعليقى ب(عزيزى)لأنى أعتبر أن كل من أعرفه عن طريق د/أشرف حمدى .هو صديق و أخ عزيز..على فكرة قصيدتك الجميلة دى عجبتنى جدا.لأنها بسيطة ومتماسكة ومترابطة المعانى.تحياتى البالغة(ملحوظة)أنا كاتب قصيدة(نام يا مصرى)
علي فكرة القصيدة جميلة
ومسحة الحزن اللي ظاهرة فيها بمنتهي الروعة بتنم عن احساس رائع
بالتوفيق
مروة صديقتي الصدوقة:
والله انتي واحشاني اكتر
انا اللي مبسوط انك دخلتي عندي زي زمان
ربنا يسعدك انتي ومحمد وتعيشي في احسن حال وتعيشي سعيدة علي طول(واخدة بالك؟)
:)
ربنا يوفقك في النتيجة
ابقي طمنيني واشوفك بخير
وينكي فاكهة التدوين كما يحلو لي تسميتها:
انا اللي كاتبها و لا فخر
وانا مش في بالي انها اغنية
انما لو انتي شايفاها اغنية خلاص
والله ما هاكسفك
مشيها اغنية
:)
اشوفك بخير
زى ما قال الأبنودى
بنلف في دواير ندور على الأمان ونلقينا رجعنا تاني لنفس المكان
محمد هشام:
ربنا يخليك..ربنا يخليك..ربنا يخليك
:)
تحياتي وزرني دائما
صديقي وابيض قلب محمد عشري:
شكرا علي رايك في القصيدة يا عشري
ويمكن انت عندك حق في موضوع ان الموت حقيقي اكتر من الحياة
ماحكنتش اعرف انك فيلسوف يا عشرور
لك حبي يا صديقي
ليمونادة:
شفتها
شكرا
ابراهيم معايا:
شكرا بجد
ومبروك يا عزيزي علي الكتاب اللي هاقولك رايي فيه لما اشوفك ان شاء الله
عقبال الكتاب التاني ان شاء الله
تحياتي
الصديق العزيز اشرف حمدي
يا عم اشرف الحشيش ده موضته بطلت من زمان
:)
دلوقتي في حاجات تانية اشد
ربنا يخليك يا عم اشرف وعلي فكرة رايك انت بالذات انا باعتز بيه جدا
و بالنسبة للقصيدة انا قريتها كلها انما كنت عايز اتكلم فيها شوية مع الكاتب
عايز اشوفك قريب ان شاء الله
تحياتي يا فنان يا جميل
كارول:
شكرا علي زيارتك لمدونتي
وعلي رايك في القصيدة
وعلي الاحساس الجميل اللي وصلني لما زرت مدونتك
تحياتي..
و اتمني ان تشرفيني دائما
العزيز المحترم الراقص مع الذئاب:
زيارتك دائما تسعدني فعلا
اشكرك علي كلامك الرقيق
و الغياب كان بسبب انشغالي في العمل
لكن الحمد لله سبت العمل اللي كان شاغلني
وبقي عندي شوية وقت للكتابة اتمني ان استغله جيدا ان شاء الله
اشكرك بجد يا صديقي
تحياتي
العزيز واحد من البلد دي:
تحياتي علي قصيدتك
الحقيقة هي مغرية جدا بالتلحين
واتمني ان استطيع ان اكون ملحنا جيدا بقدر كاتبها
انا بس كان ليا بعض التعليقات حول المضمون وكنت اتمني ان نتكلم سويا بشكل مباشر وسيكون هذا شرفا لي
لو امكن ان تراسلني علي بريدي الخاص
yamen.nouh@gmail.com
تحياتي و لنا لقاء قريب ان شاء الله
shirry:
شكرا جزيلا علي الكلام الرقيق
وشكرا علي زيارة مدونتي
وفي انتظار زيارات اخري
تحياتي
Christa:
و الله مش عارف اقولك ايه
انتي بجد قلتي الكلام اللي ماقدرش ارد عليه بحاجة
تحياتي وشرفتي المدونة
قبلة مش متعلمة
يابن ال.......
جامدة
جامدة
جامدااااااااااااااااااااااااااااة
جدع ياله...
حلوة... بجد... بجد !
إرسال تعليق