"مفاجأة"
..فضّ النور
غشاء بكارة عينين
..لأول مرة
..لأول مرة
.."فرأي"آدم
أغرب شئ ممكن
...
...
...
!!!نفسَه
skip to main |
skip to sidebar
كارل روجرز
يحي الرخاوي
اوسم وصفي
هؤلاء اتبع خطاهم
كارل روجرز
يحي الرخاوي
اوسم وصفي
مواقع تستحق الزيارة
أين تذهب هذا المساء
- تهاويم حامد
- كيف تحي الموتي
- سكة الدفترخانة
- ايه مش هنا
- صوت الموسيقي
- كلماتي
- لوحات عالمية
- سيكولوجية مصرية
- عاصمة الرباعيات
- هيه كده
- علي هامش الحياة
- كارول..ترسم الحلم
- كارول..تكتبه ايضا
- دوي الصمت
- محاولة طلبة
- ليمونادة
- فريدة الفريدة
- حسن امين..الانسان
- كاريكاطز
- القرطاس
- سندباد
- نمنماية
- مع نفسي
- ابراهيم معايا
- مشورة نفسية
- حورس
- شعب سيس
- مدونة ابراهيم الهضيبي
- الفنان خالد الصاوي
- احمد العايدي
- مدونة سالي
- مستنقعات الفحم..ميشيل حنا
- ابو ضحي
- دماغ محمد حمدي
- الشاعر سالم الشهباني
- الصحفي خالد البلشي
- صحفية مع ايقاف التنفيذ
- سردية
- صاحب البوابة
- راسبوتين
- شاب فقري جدا
- شمس الدين
- دكتور زيفاجو
- الشاعر محمد عبد الحي
- الشاعر احمد فؤاد نجم
- كيس فشار
- مدونة انسان
- واحد من الناس
- عين ضيقة
- كلبوزة لكن سمباتيك
- بنت موت مكرنشة
- كائن العزلة
- harmless
- الكلمة
- غربة هنودة
- الراقص مع الذئاب
- تياترو زرياب صاحب السعادة
- ع القهوة
- broken heart
- sky light
- شهيدة
- مسابقة افضل تدوينة
- الراحلون
- اسكندريللا
- مدونة الاغاني
- الفنان ياسر حسين
هناك ٤٢ تعليقًا:
بصراحة ومتزعلش مني يا يامن
مش حلوة
"فرأى آدم....."
مبتورة ومتكلفة
انت فين في الدنيا يا ندل
الموضوع اللي فات كان جامد وان كان استفزني جدا
أنا حاولت أصوت له
كلمني
تعرف يا يامن
عمرنا ما فكرنا باحساس النبي آدم عليه السلام أول ما شاف نفسو
ملاحظة مهمة
واعتقد انها كانت مفاجأة بجد
تحياتي
ايه الصوره الجامده دي
تشبيه جديد اول مره اسمعه
برافو
http://1minelnas.blogspot.com
دي فكرة جديدة فعلا .. أنا بأحب الأفكار الجديدة جدا
أحييك على التفكير .. أحييك على الفكرة
يامن يا صديقي واخي العزيز
طبعا انا عارفه اني مقصره معاك وفاتني موضوع جامد ليك
بس قريته والله وبجد القصه رائعه وطريقه سردها جميله صحيح فيها قسوه وتحسسك بالاستفزاز من الام بس بجد رائعه
اما بالنسبه لموضوعك المره دي
فيها صوره عمري ما شفتها قبل كدا
حلو اوي تشبيهك للنور وفضه لغشاء بكاره العينين
وحلوه اكتر انك جبت النبي ادم عليه السلام وخلتنا نتخيل احساسه لما شاف نفسه لاول مره
انا عمري ما فكرت في الحكايه دي قبل كدا
بجد حلو يا يامن
تسلم ايدك
وتقبل اعتذاري
وان شاء الله هكلمك قريب علشان اسلم عليك قبل ما امشي
تحياتي يا اخي العزيز
كويس جدا
بجد
الألفاظ المستخدمه لم تعجبنى ، وصرفت فكرى عن تزوقها
عذراً
تحياتي يامن
كلمات رقيقة
شاف نفسه في أيه؟؟؟؟؟
مش كامله
انا قريتهالك قبل كده
قبل ما تنزل بس ملحقتش اقللك تعليق لانها مكنتش واضحه اوى بالنسبالى
دلوقتى تاملتها اكتر وهذا راى
الصوره قويه وجديده
بس فى ملحوظتين
واحده عن احساسى بثقل كلمة غشاء
ففى راى لو كتبتها
فض النور بكارة عينين
هتبقى اخف على السامع
او القارىء
وهتؤدى نفس المعنى
ولا ايه رايك؟
الملحوظه التانيه
من حيث استعابى لها
لو اخدتبالمعنى البعيد الاعمق
فان اخر شىء قد تقع عليه عين الانسان هو نفسه
واقصد بالعين
هنا المعرفه
واعتقد انه كثيرا ما نمر بالحياه دون ان تقع اعيننا على انفسنا
لكن لو هناخد بالمعنى القريب فحقا لا اعلم هل لو حضرت الى الدنيا وانا واعيه راشده
هل ساتعجب من نفسى ام من الكون المحيط
؟
بيت اثار الجدل يا يامن
تحياتى للتجديد و
تحياتى لك
الصورة والفكرة جديدة بس قصدك منها ايه شاف نفسه فرح ولا حزن
عجبتنى جدا
وعبقريتها فى اختزالها
مفرداتك جديدة
تحياتى
استغراب
مش عارفه أقول رأيي
الكلمات غريبة عليا
يمكن مش فاهمه المغزى
انت قصدك لما
بدت لهما سوئتهما
لكن عموما الفكرة جديده
تحياتي
------------
على فكره انا نزلت البوست الأخير
تحياتي
السلام عليكم يا يامن...
بجد أكثر من رائعة...و واضحة جداً و مفهومة
ما شاء الله...
و بالنسبة لموضوع ان أخر حاجة الواحد بيشوفها نفسه..أعتقد انه لأ الواحد بيشوف نفسه و بيتصدم و بيتجنب انه يشوفها تاني....
من باب خاي الطابق مستور
:D .....
استمر و ربنا معاك
حقولك على حاجة
انا حاسس إن سيدنا آدم حس بالخوف
هاه
حاجب مرفوع ووش مسبهل
ابن مر:
عادي يا عم فاروق..مفيش حاجة تزعل ولا حاجة
ده رايك وكفاية انك اهتميت تقولي رايك
انا عارف انك في الوقت اللي انا باكتب فيه الرد ده انت هاتكون مزنوووووووووق..
ربنا معاك انا كلمتك النهارده عشان اسال عليك قبل الكشف وكده وانت مارديتش
ربنا معاك..
شهيدة:
دايما منورة المدونة ياشهيدة..
هيه فعلا كانت مفاجاة..بس تخيلي باه ايه الشعور اللي جاله بعد ما تفاجا..
تحياتي وشرفتيني
واحد من الناس:
اشكرك علي ذوقك..
شرفتني في اول زيارة ليك عندي ويارب ماتكونش الاخيرة
تحياتي
يا مراكبي:
احييك انا علي تعليقك الجميل
:)
شرفت يا عزيزي المراكبي
العزيزة جدا جهينة:
لا ابدا مفيش تقصير ولا حاجة..
انتي تشرفي في اي وقت..انا بس افتكرتك سافرتي من غير ما اعرف
اشكرك علي رايك في القصة اللي فاتت في القصيدة المره دي وده بس بعض مما عندكم
انتي بجد هاتسافري؟
يا دي الدنيا اللي مش بتخلي الناس تتهني ببعض..
تروحي وترجعي بالف سلامة يا جيهان
انتي عارفة معزتك عندي وعند كل اصحابك وعارفة اد ايه هايزعلوا لما هاتمشي بس مادام ده فيه مصلحتك يبقي خلاص..
مانقدرش نعمل حاجة غير ندعيلك بكل الخير والتوفيق
ربنا معاكي وبجد ياريت تكلميني او قوليلي هاتسافري امتي وانا اكلمك قبل ما تسافري..
تحياتي يا اختي العزيزة
اشوفك علي خير ان شاء الله
عين ضيقة:
اشكرك جزيل الشكر
تحياتي
Mohamed A. Ghaffar:
مفيش داعي لعذرا خالص
اشكرك جزيل الشكر علي اهتمامك بابداء رايك
بس انا هاقولك علي حاجة بصراحة
انا اتضايقت شوية لما قريت كلامك..بس مش منك
انما عشان انت واحد من الناس اللي انا كنت مستني اسمع رايهم هما بالذات علي القصيدة دي و كان نفسي تعجبهم لان رايهم يهمني جدا
بس طالما ماعجبتكش فانا اللي مدين بالاعتذار واوعدك المرة الجاية يبقي في حاجة تعجبك ان شاء الله
تحياتي
صاحب البوابة
تحياتي ليك يا عزيزي
شرفت ونورت
sabrina:
مش عارف يا صابرينا..انا متهيالي كده انها كاملة..هيه بس يمكن مش واضحة او مش مباشرة بس انا عن نفسي ماكنش في حاجة تانية عايز اقولها..انا قلت كل اللي عندي و لو كنت اعرف حاجة تانية والله العظيم كنت قلت..
:)
تحياتي
R.R :
انا قلتهالك مرة قبل كده فعلا..
وبالنسبة للملحوظة الاولي..
صحيحة تماما
وانا قعدت افكر فيها ازاي ماخطرتش علي بالي خالص اني اشيل كلمة غشاء
بس انا متهيالي انها التعديل بتاعك محتاج ارجع فيه لحد بيفهم في الوزن(زي طلبة مثلا)و لو طلعت سليما عروضيا هاعدلها علي طول
اشكرك جدا علي ملاحظتك الصائبة والمفيدة
وبالنسبة للملحوظة التانية:
مين قالك ان ده المعني العميق
مش جايز في اعمق؟
تحياتي
sendbad:
انت ايه رايك..؟
لو انت مكانه هاتفرح ولا تحزن؟
راجع تعليق "قائد"هاتلاقيه بيقول ان سيدنا ادم حس بالخوف..
ايه رايك في الكلام ده؟
تحياتي
كلام لوجيك:
بجد متشكر جدا علي كلامك الجميل
و الحمد لله انها عجبتك و يارب كده تشرفني بالزيارة علي طول
تحياتي واحتراماتي
Horas:
حلو قوي التعليق المنجز ده..
طب مين اللي مستغرب..انا ولا انت ولا سيدنا ادم؟
:)
عموما انا ان شاء الله هاشوفك قريب جدا وهاعرف رايك بالتفصيل
shermen:
هو موضوع بدت لهما سوءاتهما ده مختلف شوية..
انما ممكن يكون مرتبط بشكل او باخر بمعني القصيدة
لكن عموما تحياتي وفي طريقي اليك لاعرف سر اللقاء المرتقب
تحياتي
مجهول:
انا مش عارف اوصفلك قد ايه انا فرحت بتعليقك..
انا ماعرفش انت مين..بس انت الوحيد اللي قاللي انها مفهومة
بجد متشكر..انت انقذتني قبل ما اشك في نفسي
وبالنسبة لموضوع ان اخر حاجة الواحد بيشوفها هي نفسه..
اتفق معاك تماما وحرفيا
اشكرك بشدة مالهاش حدود ويارب المرة الجاية تقولي انت مين
kaed:
انت عارف..
انا كمان شايف كده..
تحياتي يا عزيزي
واحدة من الناس:
ما هو الحاجب ده ممكن يكون مرفوع يا اما من الاعجاب او من الاستغراب او من الاشمئزاز
ارجوكي وضحي
:)
تحياتي ونورتي بجد
حقا ما أغربه من شعور
ان يرى الانسان نفسه و لاول مرة و هو كبير بالغ
تعودنا على انفسنا بالتدريج و لكن آدم عليه السلام تلقى الصدمة كاملة
غريب أننى لم أفكر فى شعوره من قبل
بوجه عام البيت عجبنى
و لكننى ايضا كنت أفضل فض النور بكارة العينين
والله انا معتقدش اني بستغرب انا وشي بجح أصلا ههههههههه
اما انت مش عارف قلي انت
وسيدنا آدم أكيد استغرب والله أعلم
صبحك سكر زيادة يا دوك
فكرة جديدة فعلا
وتقديمة حلوة وتشد في بداية الخاطرة دي
تحياتي
اعتقد اني برضه هاخاف خاصة واني عشت في الدنيا وشفتها قد ايه هي صعبة
لا راحة في الدنيا
كتابة الإسم آدم بين علامتى التنصيص يعنى أنك تقصد النبى آدم وليس الإنسان بصفة عامة. وهذا فى رأي يضعف الفكرة جداً ذلك لأن آدم تعلم الأسماء كلها مع بداية وجوده. لا أتوقع أن آدم فوجىء بأى شىء
هو الطفل بيتفاجىء لما يشوف نفسه؟؟
اعتقد ان آدم مر بمراحل تعليم وتأهيل وتربية وتوجيه الأطفال
والدليل فى "وعلم آدم الأسماء كلها"
دة معناه ان آدم علمه الله كل شىء كما نعلم الطفل
مع ان ربنا قادر على كل شىء وكان ممكن يخلقه وهو يعلم ودون حاجة لأن يتعلم
تحياتى
tearwhispers:
انتي كمان زي رانيا كنتي تفضلي عدم وجود كلمة غشاء...
مممممممممممممممم..
شكلي كده هاسمع كلامكو...
تحياتي
Horas:
يا باشا العفو
:)
و انا عن نفسي بصراحة مستغرب بعض التعليقات بس بوجه عام مبسوط ان في شوية اخد وعطا
اشوفك بكرة ان شاء الله زي ما اتفقنا
تحياتي
قصاقيص:
تحياتي ليكي والف شكر علي الزيارة والتعليق الجميل
نورتي
sendbad:
طب انت هاتخاف عشان انت عارف الدنيا فيها ايه
طب ادم هيخاف لييييييييييه؟
ده السؤال اللي تقصده القصيدة
تحياتي
عدي النهار:
اولا اهلا بيك في اول زيارة عندي..
نورت...
ثانيا معلوماتك يا عزيزي غير دقيقة...
راجع ايات القران هاتلاقي ان ربنا خلق ادم.. ودي اول حاجة
بعدين اسجد له الملائكة..و دي تاني حاجة..
و بعدين علمه الاسماء كلها.. ودي تالت حاجة
و الدليل علي الكلام ده الايه دي:
" و اذ قال ربك للملائكة اني خالق بشرا من طين.فاذا سويته ونفخت فيه من روحي فقعوا له ساجدين"
تفصد ايه باه بكلمة"تعلم الاسماء كلها(مع)بداية وجوده"؟؟
تاني حاجة في موضوع علامة التنصيص:
لا..انا اقصد النبي ادم مش كل البشر
لان اللحظة اللي بيكتشف فيها الانسان وجوده هي لحظة خاصة جدا ولا تمثل كل الناس..بل تمثل "لحظة"معينة في حياة كل الناس و اللحظة دي لا يعبر عنها الا انسان واحد بصدق وهو النبي ادم عليه السلام لان حياته بدات بيها..
تحياتي و ارجو ان تكرر الزيارة دائما
العزيزة ياسمين:
راجعي ردي علي "عدي النهار"..التعليق السابق
ادم مر بمراحل تعليم وتاهيل وتربية فعلا
و كان اولها سجود الملائكة له.. وتانيها تعليمه الاسماء..و تالتها سؤال الملائكة امامه وعجزهم عن الاجابة..و اعادة السؤال له و نجاحه في الاجابة
و كل اللي حصل بعد كده
انما قبل ده كله..في اللحظة الاولي..تقدري تقوليلي شعوره كان ايه لما اكتشف وجوده
وبعدين ليه بتتكلمي عن الطفل بمعناه الجسدي..؟؟
تفتكري ان الطفل اللي جواكي وجوايا مش بيتفاجئ كل يوم لما بيكتشف وجوده واحساسه بذاته بتتغير يوم عن يوم..
مش بيتفاجئ لما بيكتشف فجاة الزمن.. واللحظة..والعمر. والموت؟؟
تحياتي الحارة.. وعلي فكرة كنت مستني تعليقك
.
حلوة
بس هوه اده هيشوف صورته فين..اكيد فى عيون حوا..اكيد بعد ما اندهش فرح وقام واخدها فى حضنه بعد ماشاف انهم واحد
خاف لانه كان لوحده وده الهدف الي ربنا خلق ليه حواء
ده راي
شكراً على الترحيب.. تعرف أنا فضلت كتابة المعنى المستمد من أيات قرآنية أخرى كانت فى ذهنى عن كتابة الآيات نفسها تجنباً للدخول فى حلقة مغلقة من إستخدام الآيات والأحاديث لأسباب عديدة منها على الأقل هو عدم الإلمام بكل الآيات والأحاديث حول الموضوع وهو واضح من الآية التى إستشهدت أنت بها. المهم: تعليقى كان مستمد من الآيات 30 من سورة البقرة "وإذ قال ربك للملئّكةإنى جاعل فى الأرض خليفة ..." إلى الآية 34. ولو سمحت لى إقرأ الآيتين السابقتين للآية التى إستشهدت أنت بها (سورة ص 71و 72) أعتقد إن نظرتك لموضوع الترتيب ممكن تتغير عندما تبنى فهمك للمعنى من خلال الآيات من سورتى "ص و البقرة". ولعل هذا يجيب أيضاً على سؤالك عما قصدته بأن آدم تعلم الأسماء كلها مع بداية وجوده. أما بخصوص علامتي التنصيص فكلامك هو نفس ما قلته أنا وهو أنك قصدت النبى آدم. مع تحياتى
عاجبني فكـرة المفاجأة ... فعلاً
.......
بس على رأي فاروق ، إنتا فين ف الدنيا ؟؟؟
السلام عليكم ورحمة الله وبركاته
حلوه اوي وفيها صور تشبيهيه اول مره امر بيها
حلوة
جدا
عمق
جميل
شاف نفسه في اية؟
مراية؟
بركة مية؟
الاغرب
لما شاف حوا
تحياتي
السلااااام عليكم
بجد تناسق رائع بين الكلمات والصورة
احييك عليه واتمنى زى ماشرفتنا فى المسابقه تشارك معانا بالتصويت
تحياتى ودمت بألف خير
دكتور احمد خالد توفيق بيقولك اشنع مسخ من الممكن ان يقابله الانسان هو نفسه
مليش في الرأي الادبي بس كمشاعر حلوة اوي
mariam:
اولا شرفتي يا مريم..
ثانيا انا متهايلي ان موضوع حوا ده مختلف شوية..
انا هنا باتكلم عن اللحظة الاولي..لحظة اكتشاف الذات
تحياتي وكرري الزيارة دائما
sendbad:
ويمكن يكون خاف من مسئولية الوجود؟
يمكن..
شرفت بجد
تحياتي
عدى النهار:
يا عزيزي انت تشرف في اي وقت..
بس يبدو انك دخلت في الدايرة المغلقة بالفعل برغم انك قلت انك مش عايز تدخل فيها
علي اي حال انت ماجاوبتش علي سؤالي برضه..
يعني ايه:"تعلم الاسماء كلها (مع) بداية وجوده؟
يعني اتوجد وهو عارف كل حاجة.. ولا اتوجد وبعدين ربنا علمه الاسماء؟
ارجو انك تجاوب علي سؤالي المرة دي
تحياتي
إبـراهيم ... معـايــا:
انا في الدنيا يا عم ابراهيم والله
بس انت عارف بقه
:)
بس الحمد لله انها عجبتك
تحياتي يا عزيزي الفيلسوف
خمسة فضفضة:
و عليكم السلام ورحمة الله وبركاته
ربنا يخليكي يا رب..ده بس من ذوقك
تحياتي ونورتي المدونة
الوردة السوداء:
اشكرك..جدا..بعمق
:)
تحياتي
مروة جمعة:
الله يخليكي
تحياتي
Sampateek:
شاف نفسه مش بمعني الرؤية وبس..
انما بمعني الاكتشاف
يعني عمرك ما بصيتي علي نفسك كده..و استغربتي من وجودك.؟
و عموما هي رؤيته لحوا برضه كانت حاجة غريبة
تحياتي
SoRsaRaa:
اشكرك علي رايك في الصورة..
ثانيا انا اللي كنت نفسي احييكي واحيي مهند علي المجهود الجبار اللي انتو بتبذلوه في موضوع المسابقة..بجد حاجة تفرح..ربنا يكرمكو
وبالنسبة لموضوع التصويت..فانا بصراحة مكسوف منكو..
لاني مع الاسف معنديش وقت اقرا كل التدوينات..
وبصراحة يعني ولو فيها غلاسة كنت عايز اقترح عليكو المرة الجاية تعملوا المسابقات منفصلة..يعني مسابقة في الادب لوحدها و في السياسة لوحدها وهكذا
عشان الواحد مايبقاش مضطر يقرا كل التدوينات مرة واحدة
احييكي مرة اخري علي المجهود الجبار
تحياتي واحتراماتي
LAMIA MAHMOUD:
اهو ده الكلام..
انتي فين من زمان
احييكي بشدة
و اشكرك برضه علي رايك الجميل في القصيدة
شرفتي ونورتي
تحياتي
إرسال تعليق