فلسطيني..فلسطيني

ON TV انا علي

اصدقائي و زوار مدونتي الكرام...

انا علي قناة "ON TV" يوم الاربعاء القادم 24/12 الساعة 9 مساءا والاعادة يوم الخميس الساعة 11 صباحا

في برنامج "مرايا" مع المذيعة نوال توفيق

اللي ما يشتري..ياريت يتفرج

في انتظار تعليقاتكم علي الحلقة

تحياتي

رؤية

غمضت عيني

شُفت

...

فتَّحتهم

اتعميت..!!

الناس..طرق

الناس طرق

في ناس طريقها..مايتمشيش

وناس طريقها

مايتنسيش

وناس يضيع العمر منها

في مفترق

.....

الناس طرق

.....
الناس يتامي ومحرومين

ومحتاجين

ومحتاجين

ومحتاجين

مستنيين اللي يشيل

حجر الهموم

من فوق كتافهم

مستنيين

وسنين..سنين

تايهين في صحرا

وملهوفين

علي حد عارف الطريق

او حد قادر

للعطاشي يبل ريق

يمكن اله

يمكن نبي

يمكن مسيح

يمكن ولي

و يمكن صديق

يمكن حبيب

تبكي في حضنه وتنكسر

ويحس همك زي همه

.......

ويمكن مالقيوش كل ده

ولسه تايهين في الطرق

....

الناس طرق