حالة كتابة
النيل..والليل..ومنير
اخوات
والشاي
وشوية شعرا
عاوزين يكتبوا حرفين
وما بينهم
عمر مالوش آآآخر
واحلام مالهاش آآآخر
وبراح مالهوش آآخر
لكن..
وبرغم ان منير..شغال
العمر..مابيكملش لغاية اخر السطر
والحلم مابيكفيش الاتنين..ابدا
يا الشاعر..
يا الشعر..
وبراح..لكن
مليان..بفضا
كافر..مابيسمعش لحد ندا
ولايرضي يساع
من قلب الشاعر
الا الحرفين
فمايفضلش من الشاعر
ومن المكتوب
الا الابيات
.......
النيل..والليل..ومنير
اخوات
